O Club Olimpia é unha entidade deportiva e social de Asunción, en Paraguai, cuxa sección de fútbol é a máis salientable. O club foi fundado en 1902, e nos seus 109 anos de historia ten acadado máis títulos que ningún outro club deportivo do país, tanto a nivel nacional como continental. Das 6 finais da Copa Libertadores que ten disputado, gañou 3, en 1979, 1990 e 2002, o cal fai deste club un dos máis laureados do continente suramericano. A súa rivalidade co Cerro Porteño é de longo a máis importante do fútbol de Paraguai.
O Club Olimpia xoga os seus encontros como local no Estadio Manuel Ferreira, da súa propiedade, construído en 1965, e que ten capacidade para acoller 15.000 seareiros. Anunciouse unha reforma do estadio para que no futuro poida acoller ata 42.000 persoas nas súas bancadas.
Marcelo Recanate
Gregorio Pérez
