Asociación Numismática Finlandesa
- Non confundir con Sociedade Numismática Finlandesa.
| Asociación Numismática Finlandesa | |
|---|---|
| Tipo | sociedade científica |
| Campo de traballo | numismática |
| Data de fundación | 1914 |
| Sede | Etu-Töölö |
| País | Finlandia |
| Na rede | |
| https://snynumis.fi/ | |
| [ editar datos en Wikidata ] | |
A Asociación Numismática Finlandesa (en finés: Suomen Numismaattinen Yhdistys –SNY–; en sueco Numismatiska Föreningen i Finland r.y.) é unha entidade asociativa fundada en 1914 co obxectivo de unir os investigadores e os coleccionistas de moedas, medallas e obxectos afíns de Finlandia, e promover a ciencia numismática e a arte da medalla finlandesa.[1]
Ten a súa sede en Helsinqui, e conta con máis de 1.500 afiliados.[1] O seu presidente é Petteri Järvi.[2]
A SNY é unha das 23 asociacións numismáticas que se integran na Sociedade Numismática Finlandesa (Suomen Numismaatikkoliitto ry –SN–).[1][3]
Trátase da asociación máis antiga no seu ámbito e tamén a de maior número de afiliados e a que ten unha área de operacións máis grande. Ademais da súa actuación en Finlandia, a SNY foi unha das entidades fundadoras da Unión Numismática Nórdica en 1936.[1]
A Asociación organizou poxas numismáticas desde o mesmo ano da súa fundación. Ademais emite medallas e promove conferencias, visitas, exposicións e outras actividades educativas e editoriais no ámbito da numismática, entre elas a publicación, desde 1976, de Numismaattinen aikakauslehti ("Revista numismática"), cunha periodicidade de entre 4 e 5 números anuais.[1][4][5]
Publicacións[editar | editar a fonte]
- Talvio, Tuukka (1994). Tutkijoita, keräilijöitä ja lahjoittajia: Suomalaisia numismaatikkoja 1700-1917 ["Investigadores, coleccionistas e doadores. Numismáticos finlandeses 1700-1917"]. Suomen numismaattinen yhdistys, Helsinqui. ISBN 9789519523637.
- Talvio, Tuukka (2004). Rahojen parissa: Suomen numismaattinen yhdistys 1914-2004 ["Sobre a moeda: Asociación Numismática Finlandesa 1914-2004"]. Suomen numismaattinen yhdistys, Helsinqui. ISBN 952-99333-0-4
Notas[editar | editar a fonte]
- ↑ 1,0 1,1 1,2 1,3 1,4 "Suomen Numismaattinen Yhdistys". Sitio web da SNY.
- ↑ "Hallitus". Sitio web da SNY.
- ↑ Asociacións que conforman a SN". Suomen Numismaatikkoliitto ry.
- ↑ "Numismaattinen aikakauslehti". Sitio web de SNY.
- ↑ Índice de artigos de Numismaattinen aikakauslehti desde 1992. Sitio web de SNY.
Véxase tamén[editar | editar a fonte]
Outros artigos[editar | editar a fonte]
- Lista de asociacións numismáticas
- Sociedade Numismática Finlandesa
- Unión Numismática Nórdica
- Nils J. Lindberg
Ligazóns externas[editar | editar a fonte]
- Sitio web da Suomen Numismaattinen YhdistysArquivado 29 de novembro de 2020 en Wayback Machine.
