Alexandre Mikhailovich de Rusia

Alexandre Mikhailovich de Rusia

Biografía
Nacemento	13 de abril de 1866 Tbilisi
Morte	26 de febreiro de 1933 (66 anos) Roquebrune-Cap-Martin, Francia
Lugar de sepultura	Roquebrune-Cap-Martin
Membro do Consello de Estado do Imperio Ruso
Datos persoais
País de nacionalidade	Imperio Ruso
Relixión	Cristianismo ortodoxo
Educación	Naval Cadet Corps (en)
Actividade
Lugar de traballo	San Petersburgo París
Ocupación	militar
Período de actividade	1890 - 1933
Membro de	Society for the Study of the Amur Region (en) (1887–)
Carreira militar
Lealdade	Imperio Ruso
Rama militar	Marinha Imperial Russa (pt)
Rango militar	admiral (en) almirante
Conflito	Primeira guerra mundial e Guerra ruso-xaponesa
Outro
Título	Grão-príncipe (pt)
Familia	Casa de Holstein-Gottorp-Romanov
Cónxuxe	Xenia Alexandrovna de Rusia (1894 (Xuliano)–)
Fillos	Irina Alexandrovna de Rusia, Dmitri Alexandrovich (pt) , Rostislav Alexandrovich (pt) , Nikita Alexandrovich (pt) , André Alexandrovich (pt) , Feodor Alexandrovich da Rússia (pt) , Vassili Aleksandrovitch (pt)
Pais	Miguel Nicolaievich de Rusia   e Olga Fedorovna de Baden
Irmáns	Anastasia Mikhailovna da Rússia (pt) , Sérgio Mikhailovich da Rússia (pt) , Jorge Mikhailovich da Rússia (pt) , Nicolau Mikhailovich da Rússia (pt) , Alexis Mikhailovich da Rússia (pt) e Miguel Mikhailovich da Rússia (pt)
Premios  Cabaleiro da Orde de Santo Alexandre Nevski  Order of the Crown (Württemberg) (en)  Orde de Santo André  House and Merit Order of Peter Frederick Louis (en)  Orde da Cruz do Sur  Orde do Salvador  Order of St. Vladimir, 2nd class (en)  Order of St. Vladimir, 4th class (en)  Orde de Santa Ana de primeira clase  Order of St. Vladimir, 3rd class (en)  Orde da Aguia Branca  Order of Saint Stanislaus, 1st class (en)  Orde de Santo Estanislau

Alexandre Mikhailovich de Rusia (en ruso: Александр Михайлович), nado en Tbilisi, Xeorxia o 13 de abril de 1866 e finado en Roquebrune, Francia o 26 de febreiro de 1933, foi Gran Duque de Rusia co grao de alteza imperial, esposo de Xenia Aleksandrovna de Rusia, irmá de Nicolao II de Rusia, almirante da frota rusa, explorador e conselleiro do emperador.

Traxectoria

O pai de Alexandre foi o Gran Duque Miguel Nikolaevich de Rusia, o fillo máis novo de Nicolao I de Rusia, e a nai foi a Gran Duquesa Olga Fiodorovna de Baden polo que Alexandre era bisneto do rei Gustavo IV Adolfo de Suecia, o último dos monarcas suecos en reinar sobre Finlandia.

Fotografía de Alexandre en 1903

Nado en Tbilisi, graduouse da academia naval en 1885 e de 1886 a 1891 como oficial naval realizou a bordo da corveta Rinda unha viaxe na que entre outros sitios visitou o Xapón e o Brasil. En 1893 viaxou cara América do Norte na fragata Dimitri Donskoi. Casou en 1894 coa filla do seu curmán, o emperador, e polo tanto foi cuñado deste e tamén foi un dos seus conselleiros. Durante a Guerra ruso-xaponesa (1904-1905) mandou os destrutores da frota do Báltico. En 1909 ascendeu a vicealmirante. Foi un dos iniciadores da aviación militar rusa, fundou a escola de aviación de Sebastopol e en 1910 foi nomeado xefe da recentemente creada Forza Aérea Imperial Rusa.

El e a súa familia, xunto coa emperatriz viúva Dagmar de Dinamarca refuxiáronse en Crimea tras a revolución rusa de 1917 e conseguiron escapar a bordo do navío de guerra británico HMS Marlborough. No exilio viviu en Dinamarca, onde se separou da súa dona, e Francia, onde escribiu as súas memorias.

Descendencia

Alexandre coa súa familia

Alexandre tivo coa súa dona Xenia sete fillos:

• Princesa Irina Alexandrovna de Rusia (1895-1970)
• Príncipe Andrei Alexandrovich de Rusia (1897-1981)
• Príncipe Fiodor Alexandrovich de Rusia (1898-1968)
• Príncipe Nikita Alexandrovich de Rusia (1900-1974)
• Príncipe Dmitri Alexandrovich de Rusia (1901-80)
• Príncipe Rostislav Alexandrovich de Rusia (1902-1978)
• Príncipe Vasili Alexandrovich de Rusia (1907-1989)