Ramiro Paredes Ramos
Biografía | |||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Nacemento | valor descoñecido Provincia de Pontevedra, España | ||||||||||||||||||||||||||||||||||
Morte | 6 de decembro de 1958 La Losa, España | ||||||||||||||||||||||||||||||||||
Lugar de sepultura | Cemiterio de Pereiró | ||||||||||||||||||||||||||||||||||
Datos persoais | |||||||||||||||||||||||||||||||||||
País de nacionalidade | España | ||||||||||||||||||||||||||||||||||
Actividade | |||||||||||||||||||||||||||||||||||
Ocupación | futbolista | ||||||||||||||||||||||||||||||||||
Lingua | Lingua castelá | ||||||||||||||||||||||||||||||||||
Deporte | fútbol | ||||||||||||||||||||||||||||||||||
|
Ramiro Paredes Ramos, nado en Vigo e finado o 6 de decembro de 1958 na Serra de Guadarrama, foi un futbolista, delegado e directivo galego coñecido como Pareditas, que xogaba na demarcación de centrocampista.
Traxectoria[editar | editar a fonte]
Procedente do Unión Sporting Club de Lavadores fichou polo Celta de Vigo na tempada 1928-29. Na tempada 1929-30 disputou a primeira liga da historia, co Celta en Segunda División, tempada tráxica xa que o equipo descendeu a Terceira División. Ao ano seguinte o equipo conseguiu o retorno a Segunda, sendo Paredes un dos protagonistas. Ao rematar o curso celebrouse en Balaídos unha merecida homenaxe a Paredes fronte ao FC Porto con triunfo celeste por 2-0 con goles de Losada e Pepe Hermida.
O seu último partido co Celta disputouno o 24 de maio de 1936 contra o seu anterior club, o Unión Sporting. Ao igual que moitos xogadores do Celta da época foi internacional coa Selección de fútbol de Galicia.
Tras deixa-lo fútbol en activo foi delegado de campo e directivo do Celta e rexentou co tamén ex xogador do Celta Alberty, o Bar Club na rúa Colón.
Faleceu no accidente do SNCASE Languedoc de Aviaco de 1958, acontecido o 4 de decembro dese ano[1]. O avión que saíra do aeroporto de Peinador con destino a Madrid bateu na Serra do Guadarrama. Á chegada dos corpos a Vigo congregáronse miles de persoas dende a estación de ferrocarril ata a Igrexa de Santiago, e de alí ao cemiterio de Pereiró.
Palmarés[editar | editar a fonte]
Título | Club | Ano |
---|---|---|
Campionato de Galicia | Celta de Vigo | 1929-30 |
Campionato de Galicia | Celta de Vigo | 1931-32 |
Notas[editar | editar a fonte]
- ↑ "No llegó a su destino el tetramotor "Languedoc" que salió ayer tarde del Campo de Peinador con dirección al Aeropuerto de Barajas". El Correo Gallego. 5 de decembro de 1958. p. 1.
Véxase tamén[editar | editar a fonte]
Ligazóns externas[editar | editar a fonte]
- Marcos L. Bacariza (7 de abril de 2010). "Pareditas". Yo jugué en el Celta (en castelán).