Revitalización lingüística
A revitalización lingüística ou renacemento da lingua, é un intento de deter ou reverter o proceso de esmorecemento dunha lingua ou resucitar unha extinta.[1] Entre os involucrados neste proceso pódense contar lingüistas, grupos culturais ou comunitarios ou gobernos.
A miúdo, diversos partidos traballan xuntos no mesmo proxecto. As linguas obxectivo da revitalización lingüística inclúense aquelas cun uso ou prominencia severamente minguada, chamadas linguas en perigo ou ameazadas, ou aquelas que só teñen uns poucos falantes anciáns, chamadas moribundas. Nalgúns casos, as técnicas de revitalización lingüística poden ser empregadas para tentar revivir linguas mortas. Malia que os obxectivos da revitalización varían moito dependendo do caso, todos teñen en común facer medrar o número de falantes e o uso da lingua, ou tentar manter o nivel actual da lingua para protexela da extinción.
É preciso distinguir entre renacemento da lingua (a resurección dunha lingua "morta" sen falantes nativos vivos) e a revitalización da lingua (o rescate dunha lingua que está a "esmorecer"). Tense sinalado que o único caso exitoso de resurección lingüística completa, é o da lingua hebrea, xa que se creou unha nova xeración de falantes nativos sen ningún falante pre-existente como modelo.[2]
| Graos de perigo das linguas[3] | Definición |
|---|---|
| Sa/Forte | todas as xeracións empregan a lingua en diferentes situacións |
| Feble/Enferma | falada só polos maiores; non usada plenamente polos mozos |
| Moribunda/Esmorecida | só conta cuns poucos falantes; non falada como lingua nai polos nenos |
| Extinta/Morta | non falada |
Notas
[editar | editar a fonte]- ↑ Tsunoda, Tasaku. Language Endangerment and Language Revitalization. Berlin: Mouton De Gruyter, 2005. 169. Print.
- ↑ Laura Redish (2001), ‘Native Languages of the Americas: Endangered Language Revitalization and Revival’. http://www.native-languages.org/revive.htm
- ↑ Tsunoda, Tasaku. Language Endangerment and Language Revitalization. Berlin: Mouton De Gruyter, 2005. 12. Print.
Véxase tamén
[editar | editar a fonte]Bibliografía
[editar | editar a fonte]- Grenoble, L. A. e Whaley, L. J. (1998). Endangered Languages: Language Loss and Community Response. Cambridge University Press. ISBN 0521597129
- Nettle, D. e Romaine, S. (2000). Vanishing Voices. Oxford University Press. ISBN 0195152468
- Reyhner, J. (ed.) (1999). Revitalizing indigenous languages. Flagstaff, AZ : Northern Arizona University, Center for Excellence in Education. ISBN 0967055407
- Zuckermann, Ghil'ad; Walsh, Michael (2011). "Stop, Revive, Survive: Lessons from the Hebrew Revival Applicable to the Reclamation, Maintenance and Empowerment of Aboriginal Languages and Cultures" (PDF). Australian Journal of Linguistics 31: 111–127.
- Zuckermann, Ghil‘ad (2020). Revivalistics: From the Genesis of Israeli to Language Reclamation in Australia and Beyond, Oxford University Press. ISBN 9780199812790 / ISBN 9780199812776
