N-nucleótido
Os N-nucleótidos, ou nucleótidos non incluídos na cadea molde (nontemplated nucleotides) son nucleótidos do ADN dos linfocitos que non forman parte da secuencia orixinal do ADN pero que se introducen encimaticamente durante o desenvolvemento dos linfocitos para crear diversidade nas unións dos segmentos xénicos V(D)J dos xenes das inmunoglobulinas e do receptor TCR.[1] A perda ou adición de nucleótidos nas unións xeradas pola recombinación V(D)J aumenta significativamente o repertorio antíxeno-receptor, polo que a adición destes nucleótidos contribúe a incrementar a súa diversidade.
Na adición destes nucleótidos intervén un encima chamado desoxinucleotidil transferase terminal (TdT), que é unha ADN polimerase especial, cuxa única misión coñecida é esa. A TdT só se expresa durante o breve período de ensamblaxe da cadea pesada da inmunoglobulina na célula B.[2] Neste proceso parece que é necesaria a intervención do factor Ku80, aínda que non se coñece en detalle como actúan as TdT.[1][3]
Notas
[editar | editar a fonte]- ↑ 1,0 1,1 Zoltan Sandor, Monica L. Calicchio, R. Geoffrey Sargent, David B. Roth, John H. Wilson. Distinct requirements for Ku in N nucleotide addition at V(D)J- and non-V(D)J-generated double-strand breaks. Nucleic Acids Res. 2004; 32(6): 1866–1873. doi 10.1093/nar/gkh502. PMCID PMC390357. [1] http://www.ncbi.nlm.nih.gov/pmc/articles/PMC390357/
- ↑ Janeway CA Jr, Travers P, Walport M, et al. Immunobiology: The Immune System in Health and Disease. (The generation of diversity in immunoglobulins). 5th edition. New York: Garland Science; 2001. [2]
- ↑ Mediated N-Nucleotide Addition in V(D)J Recombination- Mutational Analysis of Terminal Deoxynucleotidyltransferase. Jamie A. E. Repasky, Elizabeth Corbett, Cristian Boboila, David G. Schatz. J Immunol 2004; 172:5478-5488; [3]