No campamento de Aquis Querquennis existían dous horrea (hórreos), destinados a almacenar os cereais e demais vituallas para o consumo humano. Ambos son de proporcións análogas e idéntica técnica construtiva, na que non faltan as preceptivas piastras de apoio interiores, chemineas de ventilación para a aireación do ambiente e contrafortes laterais para conter a presión do gran. Os dous hórreos, independentes entre si no que respecta á estrutura pirncipal, posúen, non obstante, un copro anterior común, a xeito de grande ámbito rectangular disposto perpendicularmente con respecto aos eixos daqueles. Pero hai máis; a esquina suroreste do devandito ámbito achábase protexida dos vendavais deste lado por un soportal ou deambulatorio en forma de escuadra consistente nun telladiño apoiado sobre pés dereitos de madeira sustentados sobre un pequeno muro de apoio duns cinuenta centímetros de altura.

Fonte: Guía do xacemento arqueolóxico. Texto: Antonio Rodríguez Colmenero Edita: Xunta de Galicia, Fundación Aquae Querquennae, Unión Fenosa.