"Sobre un amplo grupo de afloramentos graníticos ben desenvoltos en altura se inclúe o afloramento soporte dos gravados, asemade dunhas considerábeis dimensións que oscilan entre 18,5 m. (norte-sur) e 16 m. (leste-oeste):

O elenco, orientado cara o sur e sudoeste, e tanto con sección en "U" aberto como en "V", confórmase por catro grupos de gravados:

Un primeiro grupo, integrado por:

- Oito motivos circulares concéntricos simples: catro deles, con dous aneis e cazoleta central; outros tres,con anel con cazoleta central; o sexto, con dous aneis e cazoleta central; o séptimo, con restos dun anel; o oitavo, con dous aneis e cazoleta central.

- Un motivo circular concéntrico composto: o primeiro, configurado por tres motivos circulares simples, unidos entre si polos trazos rectilíneos, que parten dos aneis exteriores (ditos trazos aparecen cruzados perpendicularmente por outros máis pequenos), estando conformados os dous primeiros conformados por dous aneis cada un e por tres o restante, tendo todos eles cazoleta central.

Un segundo grupo, integrado por: oito motivos cruciformes; catorce ferraduras, de orientación e factura moi desigual; dúas pías, das que saen senllas canles que se xuntan nun só a metade de pendente, rematando o trazo nunha cazoleta; un motivo circular concéntrico simple, formado por un anel e unha cazoleta central; e restos de trazos indeterminados.

Un terceiro grupo, integrado por: cinco cazoletas; e un cruciforme, marcando os seus extremos en cazoletas. terminais.