Ver o código fonte de "Código Internacional de Nomenclatura Zoolóxica"

O '''Código Internacional de Nomenclatura Zoolóxica''', ('''CINZ'''), coñecido internacionalmente polas súas siglas en [[lingua inglesa|inglés]]: '''''ICZN''''', e unha publicación que ten como propósito fundamental subministrar a máxima universalidade e continuidade dos [[Nomenclatura binomial|nomes científicos]] dos [[animal|animais]] compatíbeis coa liberdade dos [[científico]]s para clasificaren os animais segundo os seus criterios [[Taxonomía|taxonómicos]].<ref>ICZN, 1999, Introdución.</ref> 

== Características ==
O Código regulamenta os nomes dos [[taxon]]s de animais (reino [[Animalia]]) e doutros [[clado]]s de [[Célula eucariota|eucariotas]] tradicionalmente considerados como "[[protozoos]]". 

Este Código consta de '''artigos''' (que son obrigatorios) e '''recomendacións'''. Os artigos deseñáronse para permitir aos [[zoólogo]]s chegar aos nomes dos [[taxon]]s que sexan correctos en circunstancias taxonómicas concretas. 

O uso do Código permite a un zoólogo determinar o nome válido de calquera taxon ao que pertence un [[animal]] en calquera categoría das xerarquías [[especie]], [[Xénero (bioloxía)|xénero]] e [[Familia (bioloxía)|familia]] (incluíndo [[subespecie]], [[genus|subxénero]] e categorías do nivel familia tales como [[subfamilia]] e [[Tribo (bioloxía)|tribo]]). O Código non regula enteiramente os nomes dos taxons por riba do nivel familia ([[orde (bioloxía)|orde]], [[Clase (bioloxía)|clase]], [[filo]]) e non subministra regras para o uso por debaixo da categoría de [[subespecie]] (variedade, aberración etc.), xa que estas carecen de entidade taxonómica.

== Antecedentes históricos ==
A necesidade da existencia dun Código Internacional de Nomenclatura Zoolóxica aceptado internacionalmente é consecuencia da confusión de nomes que tivo lugar na bibliografía zoolóxica a partir de [[Carl von Linné]] e ao longo do [[século XIX]], en parte debido ao [[Principio de autoridade (taxonomía)|principio de autoridade]], polo cal o nome válido dunha [[especie]] era o que lle atribuíra o primeiro especialista que a describira.

O caos na [[nomenclatura]] alcanzou tal dimensión que, en [[1842]], o [[paleontólogo]] inglés [[Hugh Strickland]] promoveu a formación dun comité de expertos para crear un código de regras que regulasen a nomenclatura zoológica, con membros tan ilustres como [[Charles Darwin]] ou [[Richard Owen]]. Este primeiro embrión do Código Internacional de Nomenclatura Zoolóxica, aparecido en [[1843]], coécese como [[Código de Strickland]].

A este primeiro código seguíronlle outros, dentro e fóra da [[Gran Bretaña]]. No momento da celebración do Terceiro Congreso Internacional de Zooloxía ([[Leiden]], [[1895]]) existían tres conxuntos de regras nomenclaturais en uso, parcialmente incompatíbeis. Nese congreso suscitouse a necesidade dun consenso, e naceu a [[Comisión Internacional de Nomenclatura Zoolóxica]] co obxecto de reunir nun único código trilingüe unhas regras de nomenclatura aceptábeis por todos os zoólogos. Os resultados dos seus traballos publicáronse, tras numerosas vicisitudes, en [[1905]], co título de "Regras Internacionais", sendo o primeiro Código Internacional de Nomenclatura Zoolóxica.<ref>Houbo unha única versión en castelán: [[Ángel Cabrera Latorre|Cabrera, A.]]  ([[1914]]): "Código de nomenclatura zoológica vigente en la actualidad con una introducción histórica". ''Bol. R. Soc. Esp. Hist. Nat.'' '''14''': 311-337.</ref>

En [[1961]] publicouse a segunda edición do Código,<ref>Alvarado, R. (1962): ''Código Internacional de Nomenclatura Zoológica''. Madrid: Real Sociedad Española de Historia Natural e Instituto "José de Acosta" de Zoología. ISBN 84-0002-735-3.</ref> e en 1985 a terceira edición. Na actualidade a nomenclatura zoolóxica réxese pola cuarta edición do Código Internacional de Nomenclatura Zoolóxica, publicada en [[1999]] e que entrou en vigor o [[1 de xaneiro]] de [[2000]], e da que hai, por primeira vez, unha versión en castelán autorizada oficialmente pola Comisión.

== Nomenclatura e taxonomía ==
{{AP|Nomenclatura binominal|Taxonomía (bioloxía)}}
[[Ficheiro:Linnaeus1758-title-page.jpg|miniatura|250px|''[[Systema Naturae|Systema naturæ]]''. Cuberta da 10ª edición ([[Estocolmo]], 1758), data a partir da cal se establece a [[nomenclatura binominal]].]]
A parte da [[Sistemática]] que se ocupa da ordenación dos organismos en diferentes grupos chamados [[taxón|taxa]] ou [[taxon]]s, é a '''[[Taxonomía]]'''. A parte da taxonomía na que se regula a adxudicación precisa e inequívoca dos nomes asignados aos diferentes taxons é o que denomina '''Nomenclatura'''.

A unidade básica da clasificación é a [[especie]]. O conxunto de especies con certas características comúns agrúpanse nunha categoría taxonómica de maior erarquía denominada [[Xénero (bioloxía)|xénero]]. Un conxunto de xéneros con características similares agrúpase nunha categoría taxonómica de rango superior denominada [[Tribo (bioloxía)|tribo]]. O conxunto de tribos semellantes agrúpanse nunha mesma [[Familia (bioloxía)|familia]]. Á súa vez, as familias agrúpanse en [[Orde (bioloxía)|ordes]], estes en [[Clase (bioloxía)|clases]] e, á súa vez, as clases en [[Phylum|filos, troncos ou tipos de organización]].

Segundo as necesidades de clasificación poden intercalarse outras categorías usando os prefixos '''super-''' ([[Familia (bioloxía)|superfamilia]], [[superclase]]), '''sub-''' ([[suborde]], [[subespecie]]) ou '''infra-''' ([[infraclase]], [[infraorde]]).

== Nomes científicos ==
{{VT|Nome científico}}

O Código Internacional de Nomenclatura Zoolóxica establece normas que afectan aos niveis especie, xénero e familia. O '''nivel especie''' inclúe todos os taxons nominais das categorías '''especie''' e '''subespecie''' (Art. 45.1); o '''nivel xénero''' abarca todos os taxons nominais das categorías '''xénero''' e '''subxénero''' (Art. 42.1); o '''nivel familia''' inclúe todos os taxons nominais das categorías '''superfamilia''', '''familia''', '''tribo''', '''subtribo''', e calquera outra categoría por debaixo de superfamilia e por encima de xénero que se desexe (Art. 35.1).

Para os niveis superiores existen diferenzas segundo as distintas escolas ou países. Os niveis por debaixo de subespecie non son contemplados polo Código, dado que subministrar nomes científicos a calquera variación [[fenotipo|fenotípica]], práctica frecuente nalgúns grupos ([[Lepidoptera|lepidópteros]], [[Coleoptera|coleópteros]] etc.), considérase de nula utilidade científica.

As normas establecidas polo Código deben seren asumidas e respectadas por todos os zoólogos, constituíndo algo parecido a unha [[gramática]] que permita a todos falar un mesmo idioma científico universal.

A [[nomenclatura]] [[zooloxía|zoolóxica]] require que aos nomes científicos, independentemente da súa orixe lingüística, se lles asigne un nome en [[Lingua latina|latín]], para o cal úsanse as 26 letras do [[alfabeto latino]] (incluíndo ''j, k, w, y'') e as [[Gramática |normas gramaticais]] desa lingua. Non poden usarse [[Diacrítico|signos diacríticos]] ([[Acento ortográfico|acentos]], [[diérese]]s etc.). Polo tanto a ''[[ñ]]'' castelá debe transformarse en ''[[n]]'' ou nos dígrafos ''ni, ny'' ou ''gn'' se se quere conservar a pronuncia.<ref>Porén, nalgúns casos (obras de divulgación, guías de campo, textos escolares), hai autores que usas "diéreses" ou gurupos ""aae", como en ''[[Aquila chrysaetos]]'' (a aguia real), que grafan como ''Aquila chrysaëtos'' ou ''Aquila chrysaaetos'' para sinalar que a pronuncia en latín non é ''-e-'', senón ''-ae-'').</ref> 

=== Nomes uninomiais ===

Os nomes dos niveis familia e xénero son uninomiais, e dicir, constan dunha única [[palabra]].

==== Nombs de nivel familia ====

Os nomes do nivel familia son plurais, e deben iniciarse sempre con [[maiúscula]] e presentar terminacións concretas para cada categoría, que son obrigatorias e específicas delas, para que resulte fácil recoñecer a que categoría taxonómica pertencen. As terminacións das categorías do nivel familia son:
<center>
{| class="wikitable"
! Categoría
! Terminación
! galeguización
! exemplos
|-----
| Superfamilia
| '''-oidea'''
| -oideos
| [[Hominoidea]] (hominoideos)
|-bgcolor="#EFEFEF"
| Familia
| '''-idae'''
| -idos
| [[Hominidae]] (homínidos)
|-----
| Subfamilia
| '''-inae'''
| -inos
| [[Homininae]] (homininos)<ref>Dada a igualdade que a galeguización das terminacións latinas dos nomes das subfamilias, tribos e subrtribos é idéntica, para evitarmos as confuisións, en obras de divulgación deben usarse os nomes latinos, o ben indicar: homininos (subfamilia), homininos (tribo) e homininos (suntribo).</ref>
|-bgcolor="#EFEFEF"
| Tribo
| '''-ini'''
| -inos
| [[Hominini]] (homininos)
|-----
| Subtribo
| '''-ina'''
| -inos
| [[Hominina]] (homininos)
|-bgcolor="#EFEFEF"
|}
</center>

Se un autor utiliza outra categoría intercalada por conveniencia é libre de utilizar a terminación latina que desexe, diferente das obrigatorias. É frecuente utilizar, por exemplo a terminación '''-itae''' para as supertribos.

Os nomes do nivel familia deben formarse obrigatoriamente sobre a raíz do [[xenitivo]] dun nome do nivel xénero considerado válido e contido no taxon que se nomea. Así, tomando o xénero ''[[Homo]]'', cuxo xenitivo é ''Hominis'', e cuxa raíz é ''Homin-'',  fórmanse todos os nomes do nivel familia vistos anteriormente (''Homin''-'''idae''', ''Homin''-'''inae''' etc.). Formar estes nomes sobre o [[nominativo]] sería incorrecto.

==== Nomes de nivel xénero ====

Os nomes de nivel xénero son [[substantivo]]s singulares de dúas ou máis letras, en caso [[nominativo]]. Deben estaren adscritos a un dos [[Xénero gramatical|xéneros gramaticais]] latinos (masculino, feminino ou neutro) e deben escribirse sempre nun tipo de letra diferente ao do texto normal en que se encontran, en [[cursiva]] cando o texto está escrito en redonda e redonda cando o texto está escrito en cursiva.

O xénero debe ter asociada polo menos unha especie, cuxo nome deberá concordar en xénero gramatical con aquel. O xénero gramatical é o que dean os dicionarios usuais de [[Lingua latina|latín]] e [[grego clásico]] (neste último caso, [[Latín|latinizado]]). É conveniente consultar tales dicionarios e non fiarse das aparencias; así, ''[[Felis]]'' é feminino (e de aí o nome ''[[Felis margarita|Felis marginata]]'', e non ''marginatus'', que sería masculino), ''[[Lepisma]]'' é neutro é ''[[Sitona]]'' é masculino.

Os nomes subxenéricos escríbense entre parénteses intercalados entre o nome do xénero e o da especie. Así, en ''[[Buprestis sanguinea|Buprestis (Yamina) sanguinea]]'', ''Buprestis'' é o xénero, ''Yamina'' é o subxénero e ''sanguinea'' é o nome específico (obsérvese que se usa letra cursiva sempre que se escribe un nome científico).

=== Nomes binominais e trinominais ===

Os nomes dos taxons de nivel especie son [[Nomenclatura binominal|binominais]] para a especie e [[Nomenclatura trinominal|trinominais]] para a subespecie, é dicir, formados por dúas e tres palabras, respectivamente.

Para os nomes das especies, das dúas palabras citadas, a primeira corresponde ao nome do xénero ao que pertence e escríbese sempre coa inicial en maiúscula; a segunda palabra é o [[especie|epíteto específico]] e debe escribirse enteiramente en minúscula, debendo concordar gramaticalmente co nome xenérico. Así, en ''[[Mantis religiosa]]'', ''Mantis'' é o nome xenérico, ''religiosa'' o nome específico e o binomio ''Mantis religiosa'' é o "[[nome científico]]" outorgado a certa especie de [[insecto]] da orde dos [[Mantodea]] (montoideos).

No nome científico asignado ás especies, o nome específico nunca debe ir illado do xenérico, xa que carece de identidade propia e pode coincidir en especies diferentes. De terse citado previamente o nome completo e non cabe ningunha dúbida de a que xénero se refire (por exemplo, cando se citan varias especies do mesmo xénero), o nome do xénero pode abreviarse coa súa inicial (''M. religiosa'').

Se unha especie presenta dúas ou máis subespecies, fórmará un trinomio (en [[latín científico]], ''trinomen''). Por exemplo, ''[[Felis silvestris]]'' presenta numerosas subespecies, entre elas ''[[Felis silvestris silvestris]]'', o [[Gato bravo|gato montés europeo]], e ''[[Felis silvestris catus]]'', o [[gato doméstico]]. Se nos referimos en concreto ao gato montés, debemos utilizar o trinomio ''Felis silvestris silvestris'', que significa ''[[Felis silvestris]]'' subespecie ''silvestris'', polo que repetir a palabra ''silvestris'' non é unha redundancia.

Cando se fai referencia a un taxon do nivel especie recomendase indicar, tras o ''binomen'' ou o ''trinomen'', o nome do [[autoridade|autor]], ou autores que o describiu ou describiron, sen abreviar, e o ano da súa publicación, separados por unha coma. Por exemplo, ''[[Vipera seoanei]]'' [[Fernand Lataste|Lataste]], [[1879]].

Se o descritor dunha especie situona nun xénero diferente do que se lle asigna actualmente, o seu nome e a data deben ir entre parénteses. Así, o nome científico da rula debe escribirse ''[[Streptopelia turtur]]'' (Linnaeus, 1758); con este parénteses  indícase que a especie citada non foi orixinariamente descrita dentro do xénero ''Streptopelia'', no cal actualmente se acha; en efecto, [[Linneo]] colocou esta especie no cénero ''[[Columba (xénero)|Columba]]'' cando a describiu.

== Principio de prioridade e sinonimia ==

Con frecuencia un mrsmo taxon posúe máis dun nome, o que pode crear moita confusión entre a [[comunidade científica]]. O [[Principio de autoridade (taxonomía)|Principio de autoridade]] utilizado antes da aparición do Código Internacional de Nomenclatura Zoolóxica contribuíu á proliferación de nomes e ao uso interesado dos mesmos por partidarios deste ou daquel zoólogo.

Tras a aparición do Código, todos os nomes científicos réxense polo '''principio de prioridade'''. Segundo o mesmo, o nome válido dun taxon é o nome máis antigo. Todos os demais nomes dese taxon considéranse '''sinónimos'''.

=== Opinión 2027 ===
Esta excepción á regra, publicada pola [[ICZN]] no ano [[2003]], fai que prevalezan os nomes específicos dos animais silvestres fronte aos nomes dos animais domésticos.<ref>{{cita web |título = Opinion 2027 (Case 3010): Usage of 17 specific names based on wild species which are pre-dated by or contemporary with those based on domestic animals (Lepidoptera, Osteichthyes, Mammalia): conserved |autor  = International Commission on Zoological Nomenclature |url = http://www.nhm.ac.uk/hosted_sites/iczn/BZNMar2003opinions.htm |urlarquivo = https://web.archive.org/web/20110111020208/http://www.nhm.ac.uk/hosted_sites/iczn/BZNMar2003opinions.htm |dataarquivo = 11 de xaneiro de 2011 | dataacceso = 2 de abril de 2020}}</ref>

== Homonimia ==

Se dous taxons do mesmo nivel teñen o mesmo nome son '''homónimos'''. En todos os casos debe aplicarse o principio de prioridade que outorga validez ao nome descrito en primeiro lugar respecto aos descritos posteriormente. A diferenza nunha letra é suficiente para desfacer a homonimia (''calidus'' que significa "cálido" en latín e ''callidus'' que significa "hábil", non son homónimos).

Polo que respecta ao nivel xénero, hai que ter en conta que inclúe as categorías taxonómicas xénero x subxénero e por tanto que nomes de ambas as categorías poden caeren en homonimia.

Por exemplo, Linneo ([[1758]]) denominou ''[[Bubo bubo|Bubo]]'' a un xénero de [[aves]] da familia dos [[Strigidae]]; máis tarde, Rambur ([[1842]]) describiu o xénero ''Bubo'', xénero de [[insectos]] da familia dos [[Ascalaphidae]]. Ambos os nomes son do nivel xénero e entran en homonimia. McLachlan ([[1898]]) detectou a homonimia e creou o xénero ''[[Bubopsis]]'' —como ''nomen novum''— para substituír o nome máis recente (o de Rambur); por tanto, o nome válido para ese xénero de insectos é ''Bubopsis'' McLachlan, 1898. En definitiva, non poden existir dous nomes xenéricos iguais en todo o reino animal. Por tanto, un zoólogo que describa un xénero novo para a [[ciencia]] debe asegurarse de que o nome que elixa non exista xa. É, por tanto, relativamente fácil caer na homonimia. Unha ferramenta útil a este respecto é o ''Nomenclator Zoologicus'' en liña, que recolle máis de 340 000 nomes de nivel xénero (xéneros e subxéneros) do reino animal.

Polo que se refire ao nivel especie, o sistema é o mesmo, pero poden darse casos máis complexos, nos que se dea homonimia e sinonimia á vez. Por exemplo:

:A mosca azul común denominouse durante longo tempo ''[[Calliphora erythrocephala]]'' (Meigen, [[1826]]), e baixo este nome se publicaron a maioría dos traballos sobre a [[fisioloxía]] desta especie e, especialmente, algúns moi importantes sobre a súa [[metamorfose]].

:De feito, Meigen describiu a súa especie baixo o nome xenérico de ''[[Mosca|Musca]]'', usado nun sentido amplo, linneano. Pero De Geer describira con anterioridade ([[1776]]) unha ''Musca erythrocephala'' distinta da mosca azul común. Dúas especies diferentes tiñan, pois, o mesmo nome (homónimos) e o principio de prioridade obrigaba a que o nome máis recente fose cambiado. o nome de Meigen, aínda que hoxe estea noutro xénero distinto de ''Musca'' debía ser por tanto rexeitado. En tales casos, ou se crea un nome novo ou se utiliza o sinónimo máis antigo da especie en cuestión.

:Se ''Calliphora erythrocephala'' (Meigen, 1826) non houbera tido sinónimos máis recentes, o primeiro taxónomo constatara a homonimia podería rebautizala cun nome escollido por el, por exemplo, ''Calliphora meigeni'' ou ''Calliphora rubrocapitata''. Pero Robineau-Desvoidy describira en [[1830]] unha ''Musca vicina'' que realmente era a mesma especie que a de Meigen (a mosca azul común). Por tanto, a situación era a seguinte:

::::::::::* 1776: ''Musca erythrocephala'' De Geer (non mosca azul)
::::::::::* 1826: ''Musca erythrocephala'' Meigen (mosca azul)
::::::::::* 1830: ''Musca vicina'' Robineau-Desvoidy (mosca azul)

:O nome de Meigen debía, segundo o Código, rexeitarse e substituírse polo primeiro sinónimo válido, o de Robineau-Desvoidy:

::::::::::* ''Calliphora vicina'' (Robineau-Desvoidy, 1830)
:::::::::::='' Musca erythrocephala'' Meigen, 1826 (non De Geer, 1776).

== Tipos ==

Segundo o Código Internacional de Nomenclatura Zoolóxica, todo taxon de nivel especie debe ter polo menos un espécime do mesmo que serva como elemento de referencia e comparación para outros zoólogos, que será o '''tipo''' ou '''espécime típico''' da especie ou subespecie. O conxunto de espécimes sobre a que se basea a descrición orixinal do taxon chámase '''serie tipo''' ou '''serie típica'''. Os tipos poden seren exemplares de calquera sexo ou fase de desenvolvemento ([[ovo (bioloxía)|ovo]], [[larva]], [[adulto]]), completos ou parciais, [[fósil]]es ou non e, até [[1930]], unha mostra achada ou producida poloanimal (fósil ou non), como unha [[bugallo|bugalla]] ou unha pegada ([[icnofósil]]).

O Código recoñece os seguintes tipos:

* '''Sintipos'''. Todos os exemplares da serie tipo.
* '''Holotipo'''. Un exemplar único, elixido entre os sintipos e designado explicitamente.
* '''Paratipos'''. O resto de exemplares da serie tipo, excluído o holotipo.
* '''Lectotipo'''. Se o autor da descrición orixinal non elixiu un holotipo (práctica común até mediados dos anos 40 ou 50 do [[século XX]]), calquera autor posterior debe designar explicitamente de entre os sintipos un exemplar único que se converte no exemplar típico da especie, e que recibe o nome de lectotipo. Equivale ao holotipo cando non houbo designación orixinal.
* '''Paralectotipos'''. O resto de exemplares da serie tipo, excluído o lectotipo. Equivalen aos paratipos cando non houbo designación orixinal.
* '''Neotipo'''. Un único exemplar, designado explicitamente, que substitúe ao holotipo, ao lectotipo ou aos sintipos perdidos. Non teñen validez as designacións de neotipos para taxons amplamente coñecidos e sen problemas taxonómicos que as xustifiquen.
* '''Alotipo'''. Espécime paratípico do sexo oposto ao do holotipo. O seu uso está contemplado no Código, porén non terá os atributos formais dun holotipo (ver a Recomendación 72A).

Todos os tipos deben rotularse adecuadamente cunha etiqueta conspicua e custodiarse de forma especial polas persoas ou institucións que os amparen, permitindo o seu estudo a todos os zoólogos, xa que son patrimonio da [[Zooloxía]].

== Notas ==
{{listaref|30em}}

== Véxase tamén ==
=== Bibliografía ===
* International Commission on Zoological Nomenclature (1999): ''International Code of Zoological Nomenclature.'' International Trust for Zoological Nomenclature. ISBN 0-8530-1006-4 (contido en liña en inglés [https://web.archive.org/web/20090524144249/http://www.iczn.org/iczn/index.jsp aquí])
* Matile, L.; Tassy, P. & Goujet, D. (1987): ''Introduction à la systématique zoologique: concepts, principes, méthodes''. París: Société française de systématique. ISBN 2-9068-9200-9. 
* Monserrat, V. J. & Alonso-Zarazaga, M. A. (2004): "Fundamentos de la nomenclatura zoológica". En: Barrientos, A. (ed.): ''Curso práctico de Entomología''. Barcelona: Manuals de la Universitat Autònoma de Barcelona, '''41''': 13-26. ISBN 84-4902-383-1.

=== Outros artigos ===
* [[Código Internacional de Nomenclatura Botánica]]
* [[Código Internacional de Nomenclatura de Bacterias]]
* [[Comité Internacional de Taxonomía de Virus]]

=== Ligazóns externas ===
* [https://web.archive.org/web/20150801154338/http://iczn.org/ Comisión Internacional de Nomenclatura Zoológica].
* [http://www.ubio.org/NomenclatorZoologicus/ ''Nomenclator Zoologicus'' en liña], con nomes de nivel xénero do reino animal.
* [http://zoobank.org/ Zoobank], con 1,5 millóns de nomes científicos de animais.
* [http://www.sam.mncn.csic.es/publicaciones1.php?idpublic=13 Código Internacional de Nomenclatura Zoolóxica, Cuarta Edición, versión oficial en castelán] {{Webarchive|url=https://web.archive.org/web/20191025063317/http://www.sam.mncn.csic.es/publicaciones1.php?idpublic=13 |date=25 de outubro de 2019 }} e [https://web.archive.org/web/20181005182006/http://www.sam.mncn.csic.es/codigo.pdf en PDF].
** [http://www.sam.mncn.csic.es/Enmienda-2012.pdf Emenda 2012] {{Webarchive|url=https://web.archive.org/web/20160808112736/http://www.sam.mncn.csic.es/Enmienda-2012.pdf |date=08 de agosto de 2016 }} ao Código Internacional de Nomenclatura Zoolóxica, en PDF.

{{ORDENAR:Codigo Internacional de Nomenclatura Zooloxica}}

{{Clasificación biolóxica}}

{{Control de autoridades}}

[[Categoría:Zooloxía]]
[[Categoría:Taxonomía]]
[[Categoría:Termos zoolóxicos]]