Moeda dun franco Estados Xerais
1 franco Estados Xerais [1][2][3] | |
---|---|
A/: Valor facial entre coroa de loureiro. Data no exergo.
Lendas: REPUBLIQUE FRAÇAISE / 1 FRANC / 1989 |
R/: Tres figuras representantes do clero, a nobreza e o Terceiro Estado, na sala dos Estados Xerais en Versalles. Marca de gravador: BÉRECHEL.
Lendas: CONVOCATION DES ÉTATS GÉNÉRAUX / 5 MAI 1789 |
|
O franco Estados Xerais é unha moeda con valor facial dun franco francés emitida en 1989 en conmemoración do bicentenario da convocatoria dos Estados Xerais do 5 de maio de 1789 polo rei Lois XVI de Francia.[1][2][3]
Caracterización[editar | editar a fonte]
O gravado da moeda débeselle á escultora, pintora e medallista francesa Claudine Béréchel (1925-2011).[1][2] En tanto que o deseño do reverso deste franco é obra da propia Béréchel, o anverso retoma o deseño do 15º gravador xeral de moeda Pierre Joseph Tiolier (1763-1819),[3] que caracterizou o reverso dun gran número de moedas francesas e dos seus territorios ao longo do século XIX e tamén algunhas emisións conmemorativas máis recentes.
Da produción do franco conmemorativo dos Estados Xerais de 1789 encargouse a Monnaie de Paris.[1][2]
Existe unha variante da moeda, á parte do seu modelo estándar. Trátase dunha tiraxe reducida cun acabamento especial (proof ou essai), con fondo espello e relevo mate, na que se inscribiu a palabra ESSAI en letras pequenas no centro do anverso, ao pé da indicación do valor facial.[1][4]
Tiraxes[editar | editar a fonte]
Ano de emisión | Tipo | Exemplares cuñados |
---|---|---|
1989 | Proof - Essai | 1.850 |
Estándar | 5.0126.011 |
Notas[editar | editar a fonte]
- ↑ 1,0 1,1 1,2 1,3 1,4 "1 franc États généraux Nickel". fr.numista.com
- ↑ 2,0 2,1 2,2 2,3 "1 Franc (200th Anniversary of the Estates-General)". Colnect.com
- ↑ 3,0 3,1 3,2 Lauber W. (2013). Páxina 113 (foto na páxina 111).
- ↑ "1 Franc (200th Anniversary of the Estates-General - Essai)". Colnect.com
Véxase tamén[editar | editar a fonte]
Bibliografía[editar | editar a fonte]
- Demougin, J. (2003). Histoire du franc. Editions du Layeur. ISBN 978-2915118094
- Lauber W. (2013). "Les monnaies commémoratives de la Cinquième Republique. Partie 1: Les pièces de 1 franc". En Moneta. Société numismatique d'Ottawa. Vol. 4. Nº 3. Marzo. Páxinas 110-115, 122.