Bob Dandridge
Bob Dandridge | |
---|---|
Posición | Escolta |
Dorsal | 10 |
Altura | 1,98 m (6 ft 6 in) |
Peso oficial | 88 kg (195 lb) |
Nacemento | 15 de novembro de 1947 (76 anos) Richmond, Virxinia |
Carreira | |
Universidade | Arkansas |
NBA Draft | 1969 / Rolda: 4 / Elección: 45 Por Milwaukee Bucks |
Tempadas | 1969–1982 |
Equipo(s) | |
| |
Estatísticas (NBA) | |
Puntos | 15 530 (18,5 pp) |
Rebotes | 5 715 (6,8 pp) |
Asistencias | 2 846 (3,4 pp) |
Stats @ Basketball-Reference.com | |
Premios | |
|
Robert L. "Bob" Dandridge, nado o 15 de novembro de 1947 en Richmond, Virxinia, é un ex xogador profesional de baloncesto estadounidense que disputou trece tempadas na NBA. Con 1,98 metros de altura xogaba na posición de escolta.
Traxectoria deportiva[editar | editar a fonte]
Universidade[editar | editar a fonte]
Xogou durante catro tempadas cos Spartans da Universidade de Norfolk State, cos que gañou o campionato da CIAA en 1968 tras vencer en 25 dos 27 partidos disputados esa tempada. Tras finalizar a súa carreira converteuse no sétimo máximo anotador (1740 puntos) e reboteador (998) da historia de Norfolk State.[1] Foi elixido All-American.[2]
Profesional[editar | editar a fonte]
Foi elixido na cuarta rolda do Draft da NBA de 1969, no posto 45, por Milwaukee Bucks. A pesar do baixo da súa elección, rapidamente se fixo co posto de titular, sendo elixido ese ano no Mellor quinteto de rookies da NBA, tras facer 13,2 puntos, 7,7 rebotes e 3,6 asistencias por partido.[3] Ao ano seguinte, coa incorporación ao equipo de Oscar Robertson e o liderado de Kareem Abdul-Jabbar, conseguiron gañar o seu primeiro anel de campións da NBA, sendo o terceiro xogador máis importante tras os dous mencionados, achegando 18,4 puntos e 8 rebotes por encontro.[4]
Xogou outro seis tempadas cos Bucks, mantendo sempre unhas excelentes medias, sen baixar nunca dos 18 puntos e 6 rebotes por partido. Na tempada 1977-78, xa con 30 anos, foi traspasado a Washington Bullets, onde se atopou con outro dúo de futuros membros do Basketball Hall of Fame, Elvin Hayes e Wes Unseld. Xunto a eles gañaría o seu segundo e último anel de campión da NBA, tras derrotar nas Finais a Seattle SuperSonics por 4-3. Dandridge foi o segundo máximo anotador do equipo tras Hayes.[5] Tras catro anos nos Bullets, regresou a Milwaukee na tempada 1981-82, mais soamente disputaría once partidos antes de retirarse definitivamente. Nas súas 13 tempadas fixo 18,5 puntos e 6,8 rebotes por partido.
Equipos[editar | editar a fonte]
Adestrador[editar | editar a fonte]
En 2005 foi contratado como adestrador do equipo de Long Island da ABA.[6]
Notas[editar | editar a fonte]
- ↑ Former NSU Greats Kirkland, Dandridge to be Featured in ESPN's "Black Magic"
- ↑ Bob Dandridge to Coach 2005 Long Island Team
- ↑ "1969-70 NBA Season Summary". Arquivado dende o orixinal o 12 de xuño de 2017. Consultado o 11 de abril de 2010.
- ↑ "1970-71 Milwaukee Bucks". Arquivado dende o orixinal o 04 de maio de 2010. Consultado o 11 de abril de 2010.
- ↑ "1977-78 Washington Bullets". Arquivado dende o orixinal o 25 de abril de 2010. Consultado o 11 de abril de 2010.
- ↑ "ABA Expansion Team Hires NBA Legend Bob Dandridge to Coach 2005 Long Island Team". Arquivado dende o orixinal o 24 de outubro de 2006. Consultado o 11 de abril de 2010.
Véxase tamén[editar | editar a fonte]
Ligazóns externas[editar | editar a fonte]
- Perfil histórico en nba.com
- Estatísticas de Bob Dandridge Arquivado 28 de abril de 2010 en Wayback Machine.