Mariano Hinojal Olmedo
Biografía | |
---|---|
Nacemento | 22 de xullo de 1887 Tudela de Duero, España (pt) |
Morte | 1944 (56/57 anos) Albacete, España |
Alcalde de Pontevedra | |
Datos persoais | |
País de nacionalidade | España |
Actividade | |
Ocupación | político |
Lingua | Lingua castelá |
Mariano Hinojal Olmedo, nado en Tudela de Duero (provincia de Valladolid) o 22 de xullo de 1887 e finado en Albacete en 1944, foi un industrial e político español.
Traxectoria[editar | editar a fonte]
Fillo de Facundo Hinojal, industrial establecido en Pontevedra. Foi membro da directiva do Círculo Católico de Obreros de Pontevedra en 1913.[1] Pertenceu ao Partido Maurista e foi elixido vogal do Comité Maurista de Pontevedra en 1919,[2] sendo elixido concelleiro en 1920.[3] Na ditadura de Primo de Rivera foi nomeado concelleiro de Pontevedra e elixido segundo tenente alcalde en marzo de 1924.[4] Foi elixido secretario da Unión Patriótica de Pontevedra o 8 de setembro de 1924.[5] Logo da dimisión do alcalde Eusebio Lerones e dos membros da Comisión Permanente por discrepancias co gobernador a mediados de setembro,[6] foi nomeado alcalde de Pontevedra o 17 de setembro de 1924.[7][8] Permaneceu no cargo durante a ditadura. Dimitiu en outubro de 1928 e marchou coa familia para Valladolid.[9] Foi membro da Asociación Patronal Agrícola de Valladolid.[10] Logo do golpe de Estado do 18 de xullo de 1936 foi inspector rexional de propaganda de FET y de las JONS en Palencia.[11]
Predecesor: Eusebio Lerones Balbás |
Alcalde de Pontevedra 1924 - 1928 |
Sucesor: Manuel Lesteiro Martínez |
Vida persoal[editar | editar a fonte]
Casou en Tudela del Duero con Benita Martín Méndez en 1915.[12]
Notas[editar | editar a fonte]
- ↑ La Voz de la Verdad, 18-12-1913, p. 1.
- ↑ El Progreso, 14-1-1919, p. 2.
- ↑ Galicia Nueva, 26-12-1920, p. 4.
- ↑ El Progreso, 30-3-1924, p. 3.
- ↑ El Pueblo Gallego, 10-9-1924, p. 7.
- ↑ El Compostelano, 17-9-1924, p. 1.
- ↑ Galicia, 18-9-1924, p. 1.
- ↑ El Progreso, 18-9-1924, p. 3.
- ↑ El Diario de Pontevedra, 20-10-1928, p. 2.
- ↑ Noticiero de Soria, 2-7-1936, p. 1.
- ↑ El Día de Palencia, 13-9-1937, p. 2.
- ↑ El Progreso, 28-10-1915, p. 2.