Estado Libre do Congo

Na Galipedia, a Wikipedia en galego.
Modelo:Xeografía políticaEstado Libre do Congo
État indépendant du Congo (fr) Editar o valor em Wikidata
Imaxe
Localización
lang=gl Editar o valor em Wikidata Mapa
 5°51′17″S 13°03′24″L / -5.8547, 13.0567Coordenadas: 5°51′17″S 13°03′24″L / -5.8547, 13.0567
CapitalVivi, Democratic Republic of the Congo (en) Traducir (1885–1886)
Boma (1886–1908) Editar o valor em Wikidata
Poboación
Lingua oficiallingua francesa Editar o valor em Wikidata
Xeografía
Superficie2.345.410 km² Editar o valor em Wikidata
Datos históricos
Precedido por
FundadorLeopoldo II de Bélxica Editar o valor em Wikidata
Creación1 de xullo de 1885 Editar o valor em Wikidata
Disolución2 de abril de 1908 Editar o valor em Wikidata
Sucedido porCongo Belga Editar o valor em Wikidata
Organización política
Forma de gobernomonarquía absoluta Editar o valor em Wikidata
• Sovereign of the Congo Free State (en) Traducir Editar o valor em WikidataLeopoldo II de Bélxica (1885–1908) Editar o valor em Wikidata
MoedaFranco congolés Editar o valor em Wikidata

O Estado Libre do Congo tamén coñecido como o "Estado Independente do Congo" (francés: État indépendant du Congo, neerlandés: Kongo-Vrijstaat) foi un grande estado en África Central, na práctica un couto privado, gobernado persoalmente por Leopoldo II de Bélxica entre 1877 e 1908, e non polo goberno de Bélxica, do cal era o monarca constitucional. Leopoldo II conseguiu de facto a propiedade privada mediante a Colonización do Congo, convencendo outros estados de Eurasia na Conferencia de Berlín de que desenvolvería accións humanitarias e filantrópicas e que non impoñería impostos ao comercio.[1] Vía a Asociación Internacional do Congo, puido reclamar a maior parte da Conca do Congo. O 29 de maio de 1885, é dicir, despois do peche da Conferencia de Berlín, o rei anunciou que planeaba nomear as súas posesións "Estado Libre do Congo", unha denominación que aínda non se utilizara na Conferencia de Berlín e que substituíu oficialmente á "Asociación Internacional de Congo " o 1 de agosto de 1885.[2] O Estado Libre do Congo funcionou como un estado corporativo controlado particularmente por Leopoldo II. O estado incluía toda a área da actual República Democrática do Congo e existiu entre 1885 e 1908, cando o goberno de Bélxica o anexou a desgusto.[3]

O reinado de Leopoldo no Congo acabou con infamia por mor das atrocidades perpetradas sobre os habitantes locais. O Estado Libre de Leopoldo II extraeu marfil, caucho e minerais na cunca superior do Congo para a súa venda no mercado mundial a través dunha serie de empresas concesionarias internacionais, aínda que o seu propósito ostensible na rexión era mellorar o nivel de vida da poboación local e desenvolver a zona. Baixo a administración de Leopoldo II, o Estado Libre do Congo converteuse nun dos maiores escándalos internacionais de principios do século XX. O Informe Casement do cónsul británico Roger Casement levou á detención e castigo dos funcionarios responsables de asasinatos durante unha expedición de recolección de caucho en 1903.

A perda de vidas e as atrocidades inspiraron literatura como a novela de Joseph Conrad Heart of Darkness e suscitou unha protesta internacional. Houbo un debate sobre a alta taxa de mortalidade neste período.[4] As estimacións máis ousadas afirman que o sistema de traballo forzado levou directa ou indirectamente á morte ao 50 por cento da poboación.[5] A falta de rexistros precisos dificulta a cuantificación do número de mortes causadas pola desapiadada explotación e a falta de inmunidade ás novas enfermidades introducidas polo contacto cos colonos europeos.[6] Durante a Guerra de propaganda do Estado Libre do Congo, os reformadores europeos e estadounidenses expuxeron atrocidades no Estado Libre do Congo ao público a través do Asociació de Reforma do Congo, fundada por Roger Casement e o xornalista, autor e político E. D. Morel. Tamén participou activamente en expñer as atrocidades no Estado Libre do Congo o autor Arthur Conan Doyle, cuxo libro The Crime of the Congo foi moi lido a comezos de 1900. En 1908, a presión pública e as manobras diplomáticas levaron ao fin do dominio de Leopoldo II e á Carta colonial da anexión de Bélxica do Estado Libre do Congo como colonia de Bélxica. Coñecido posteriormente como o Congo belga. Ademais, unha serie de importantes compañías de investimento belgas empuxaron ao goberno belga a asumir o Congo e desenvolver o sector mineiro, xa que estaba practicamente sen aproveitar.[7]

Notas[editar | editar a fonte]

  1. ↑ Gifford, Paul (1971). France and Britain in Africa. Imperial Rivalry and Colonial Rule. New Haven: Yale University Press. pp. 221–260. ISBN 9780300012897. 
  2. ↑ Cornelis, Sabine. 1991. "Stanley au service de Léopold II: La fondation de l'Etat Indépendant du Congo (1878-1885)". In H.M. Stanley: Explorateur au service du Roi, edited by Sabine Cornelis, 41-60. Tervuren: Royal Museum for Central Africa.
  3. ↑ "Map of the Belgian Congo". World DIgital Library. Consultado o 21 de xaneiro de 2013. 
  4. ↑ Vansina, Jan (2010). "Being Colonized. The Kuba Experience in Rural Congo, 1880-1960". Madison. 
  5. ↑ Hochschild, Adam (2006). King Leopold's Ghost: A Story of Greed, Terror, and Heroism in Colonial Africa. pp. 225–33. ISBN 978-1-74329-160-3. 
  6. ↑ John D. Fage, The Cambridge History of Africa: From the earliest times to c. 500 BC, Cambridge University Press, 1982, p. 748. ISBN 0-521-22803-4
  7. ↑ Gann, L.H. (1979). The rulers of Belgian Africa, 1884-1914. New Jersey: Princeton University Press. ISBN 9780691631813. 

Véxase tamén[editar | editar a fonte]

Bibliografía[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

Este artigo tan só é un bosquexo
 Este artigo sobre historia é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.
Traído desde «https://gl.wikipedia.org/w/index.php?title=Estado_Libre_do_Congo&oldid=6566074»