David W. Lange
- Non confundir con David Lange, primeiro ministro de Nova Zelandia (1984-1989).
Biografía | |
---|---|
Nacemento | 29 de agosto de 1958 San Francisco, California. |
Morte | 16 de xaneiro de 2023 Bradenton, Florida. |
Lugar de sepultura | Cemiterio de Greenwood. |
Datos persoais | |
País de nacionalidade | Estadounidense |
Educación | College of San Mateo. |
Actividade | |
Ocupación | Numismático. |
David Walter Lange, nado en San Francisco, California, o 29 de agosto de 1958 e finado en Bradenton, Florida, o 16 de xaneiro de 2023, foi un numismático estadounidense.
Traxectoria[editar | editar a fonte]
Lange cursou os seus estudos no College of San Mateo, en San Mateo, California, e entre 1980 e 1994 traballou como delineante nunha compañía de instalacións de gas e electricidade.[1][2]
Mais o verdadeiro interese de Lang foi a numismática, afección que desenvolveu xa desde a súa infancia, cando se iniciou no coleccionismo. Os seus estudos posteriores levárono a ser un dos maiores coñecedores da historia da moeda estadounidense, aspecto ao que dedicou varias publicacións.[2]
Lange colaborou durante décadas na revista The Numismatist, coas súas columnas Back to Basics e No Worse for Wear entre 1988 e 1992 e, logo dunha pausa, coas columnas From One to 70, de 1996 a 2002, e USA Coin Album, a partir de de 2002. Tamén foron habituais as súas colaboracións con outras publicacións numismáticas, como The E-Sylum, Coin World ou Numismatic News. No ámbito editorial, tamén o foi editor de The Bulletin of the Pacific Coast Numismatic Society (1984-1986) e de The Journal of the Pacific Coast Numismatic Society (1986-1988).[1][2]
Ademais, Lange foi deseñador de medallas conmemorativas para a Liberty Numismatic Society (1987-1990).[2]
Entre outras sociedades eruditas e entidades asociativas, David W. Lange foi presidente da Pacific Coast Numismatic Society (1988-1989), da Liberty Numismatic Society (1988-1989), da California State Numismatic Association (1993-1994) e da New Jersey Numismatic Society (2000-2001).[1] Ademais, desde 1978 foi membro da American Numismatic Association, entidade que en 2009 lle concedeu o seu Premio á Traxectoria e en 2017 o nomeou Numismático do Ano.[2][3][4] En varias ocasións, Lange exerceu como docente nos seminarios de verán desta última institución, impartindo un curso sobre os tipos na moeda estadounidense.[1][4]
En 1994 formou parte do comité creado pola alcaldía de San Francisco para preservar o Museo da Antiga Casa da Moeda de San Francisco. A partir do 16 de novembro dese mesmo ano, Lange exerceu como director de investigación numismática da compañía Numismatic Guaranty Company, en Nova Jersey.[1][2][3][4][5]
En 2018, o Gremio Literario Numismático concedeulle a súa máis alta honra, o premio Clemy.[1][6] En 2021 foi incluído pola revista Coin World na lista das persoas máis influentes da numismática no período 1960-2020.[1][2][4][7]
Vida persoal[editar | editar a fonte]
O 18 de agosto de 2001 casou con Alba Iris Acosta, de quen se divorciou en 2012.[1][2]
David Walter Lange finou en Bradenton, Florida, o 16 de xaneiro de 2023, como consecuencia do cancro que padecía nos tres últimos anos.[1][3][4]
Publicacións[editar | editar a fonte]
Estes son os principais traballos monográficos publicados por David W. Lange ao longo da súa traxectoria:[2][8]
- (1992). The Complete Guide to Buffalo Nickels. DLRC Press. ISBN 9781880731147
- (1993). The Complete Guide to Mercury Dimes. DLRC Press. ISBN 978-1880731192
- (1996). The Complete Guide to Lincoln Cents. Bowers & Merena . ISBN 978-0943161679
- (2005). History of the United States Mint and Its Coinage. Whitman Pub. ISBN 978-0794819729
- (2005). A Guide Book of Modern U. S. Proof Coin Sets (con Q. D. Bowers e L. B. Stack). Whitman Pub. ISBN 978-0794817640
- (2004). Grading Guide for Modern U. S. Coins (con R. S. Montgomery). Whitman Pub. ISBN 978-0794819101
- (2007). Coin Collecting Boards of the 1930s & 1940s. PennyBoard Press.
- (2013-2020). Coin Collecting Albums. A Complete History and Catalog. PennyBoard Press.
- (2013). Vol.1: The National Coin Album & Related Products of Beistle, Raymond & Meghrig. ISBN 978-0989455305
- (2016). Vol. 2: Library of Coins. Treasury of Coins. ISBN 9780989455312
- (2020). Vol. 3: Whitman Publishing Company folders and albums 1940-1978. ISBN 978-0989455329
Notas[editar | editar a fonte]
- ↑ 1,0 1,1 1,2 1,3 1,4 1,5 1,6 1,7 1,8 Smith, P. (2023).
- ↑ 2,0 2,1 2,2 2,3 2,4 2,5 2,6 2,7 2,8 Smith, P. (2012).
- ↑ 3,0 3,1 3,2 "David W. Lange (1958-2023)". En Coins Weekly. 26 de xaneiro de 2023.
- ↑ 4,0 4,1 4,2 4,3 4,4 Tucker, D. (2023).
- ↑ "In Memoriam: David W. Lange, NGC Research Director". Numismatic Guaranty Company. 18 de xaneiro de 2023.
- ↑ "The Clemy Award Winners". Numismatic Literary Guild.
- ↑ "David W. Lange". En The Most Influential People in Numismatics 1960-2020. Coin World. 2021. Páxina 114.
- ↑ "David W. Lange (1958-2023)". En Coins Weekly. 26 de xaneiro de 2023.
Véxase tamén[editar | editar a fonte]
Bibliografía[editar | editar a fonte]
- "David W. Lange (1958-2023)". En Coins Weekly. 26 de xaneiro de 2023.
- Smith, P. (2012). " Lange, David W(alter)". En American Numismatic Biographies. Páxina 249.
- Smith, P. (2023). "David W. Lange (1958-2023)". En E-Sylum. Vol. 26. Nº 4. 22 de xaneiro.
- Tucker, D. (2023). "Remembering David W. Lange (1958–2023)". En Coin Update. 16 de xaneiro .