Adolphe-Simon Neboux
Nome orixinal | (fr) Adolphe Simon Neboux |
---|---|
Biografía | |
Nacemento | 22 de febreiro de 1806 La Châtre, Indre, Francia |
Morte | 5 de setembro de 1885 París |
Datos persoais | |
Residencia | Francia |
País de nacionalidade | francesa |
Actividade | |
Ocupación | médico, naturalista, ornitólogo |
Lingua | Lingua francesa |
Premios | |
Cabaleiro da Lexión de Honor | |
Adolphe-Simon Neboux, nado o 22 de febreiro de 1806 en La Châtre, Indre, Francia, e finado o 5 de setembro de 1885, foi un médico e naturalista francés especializado en ornitoloxía.
Traxectoria[editar | editar a fonte]
Neboux participou nunha exploración científica por todo o mundo, a bordo da fragata La Vénus (1836-1839), expedición comandada por Abel Aubert Du Petit-Thouars (1793–1864).[1] visitando, entre outros lugares, a costa do Pacífico de América do Norte e as illas Galápagos.
Nas Galápagos, recolectou espécimes de Zenaida galapagoensis (a pomba de Galápagos), Progne modesta (a andoriña de Galápagos), Geospiza fortis e Geospiza scandens (dous pimpíns de Darwin).
En 1839 doou ao Museo Nacional de Historia Natural de Francia moitos espécimes de historia natural,[2] incluídos mamíferos, aves, réptiles, anfibios e moluscos, algúns dos cales consérvanse aínda en alcohol. Geoffroy Saint-Hilaire dixo del que, «até agora, moi poucas coleccións ornitolóxicas mostraran, en proporción ao número, tantas especies novas e tan dignas de interese científico como as do señor Neboux». Con respecto á xeoloxía achegou 115 rochas; Élie de Beaumont salientou a circunstancia de que as achegas de Neboux aínda tiñan máis valor e interese, xa que as mostras de rochas subministradas por el, incluían sempre notas detalladas, claras e precisas; o Museo, que aínda non posuía daquela ningunha rocha de Kamchatka e de California, puido así aprecilas nestas novas achegas.
Neboux describiu, en 1846, a especie Larus furcatus, hoxe coñecida como Creagrus furcatus (Neboux, 1846).[3]
Algunhas publicacións[editar | editar a fonte]
- Dissertation sur le scorbut observé à bord de la frégate La Vénus, pendant la campagne qu'elle a faite autour du monde dans les années 1837, 1838 et 1839. (1840). Revue Zoologique 3 : 289-291.[2]
- Projet d'organisation de l'assistance publique dans la ville de Paris limité au service des secours à domicile... suivi d'un projet d'une nouvelle organisation du service médical des indigents,... par le Dr Neboux... Editor Impr. de N. Chaix. (1850).
Honores[editar | editar a fonte]
Foi galardoado como cabaleiro da Lexión de Honor de Francia.
Epónimos[editar | editar a fonte]
Abreviatura[editar | editar a fonte]
A abreviatura Neboux (ás veces grafada como Néboux) emprégase para recoñecer a Adolphe Simon Neboux como autoridade na descrición e taxonomía en zooloxía.
Notas[editar | editar a fonte]
- ↑ Harvard University Herbaria & Libraries Lista de Botánicos.
- ↑ 2,0 2,1 Archive.org Full text of "Bulletin of the British Museum (Natural History)"
- ↑ Creagrus furcatus (Néboux, 1842) no WoRMS.
Véxase tamén[editar | editar a fonte]
Bibliografía[editar | editar a fonte]
- Claudine Rigaudeau-Privat (1978): Les journaux de bord du "chirurgien naviguan" Adolphe-Simon Neboux. Universidade de Nantes. (Ver en: SUDOC).