Lagoa de Castiñeiras
Coordenadas: 42°21′46″N 8°40′28″O / 42.362777777778, -8.6744444444444
![](http://upload.wikimedia.org/wikipedia/commons/thumb/3/37/Marin_Lago_vista.jpg/220px-Marin_Lago_vista.jpg)
![](http://upload.wikimedia.org/wikipedia/commons/thumb/d/d6/Lago_Casti%C3%B1eiras%2C_Vilaboa.jpg/300px-Lago_Casti%C3%B1eiras%2C_Vilaboa.jpg)
![](http://upload.wikimedia.org/wikipedia/commons/thumb/3/3d/Lagoa_de_Casti%C3%B1eiras%2C_2014._PNOA_cedido_por_%C2%A9_Instituto_Geogr%C3%A1fico_Nacional.jpg/220px-Lagoa_de_Casti%C3%B1eiras%2C_2014._PNOA_cedido_por_%C2%A9_Instituto_Geogr%C3%A1fico_Nacional.jpg)
A lagoa de Castiñeiras é unha lagoa artificial situada no monte de Cotorredondo (entre a comarca do Morrazo e a de Pontevedra), entre os termos municipais de Vilaboa (parroquia de Vilaboa, xunto aos lugares da Graña e Postemirón) e Marín (parroquia de San Xián).
Situación[editar | editar a fonte]
Ao redor da lagoa sitúase un dos parques forestais máis antigos de Galicia, o Parque da Natureza Lagoa de Castiñeiras, situado en montes comunais e xestionado pola Xunta de Galicia. Está rodeado dunha masa forestal creada a partir dos anos 50 pero que probablemente teña a súa orixe nas primeiras plantacións do plan de reforestación da provincia de Pontevedra, iniciadas o 3 de xaneiro de 1927. Actualmente o parque conta cunhas 70 ha de superficie repoboadas con castiñeiros, bidueiros, carballo americano e outras especies exóticas.
Dentro do parque atópase unha caseta de información e a Aula de Natureza de Cotorredondo, ambas as dúas xestionadas pola cooperativa Teixugo.
No parque atópase un campo de catro mámoas entre as que destaca a Mámoa do Rei.
Accédese pola estrada de Figueirido, dende a N-550, ou ben dende Vilaboa a través de distintos camiños forestais (401, 105).