Pedro Miranda Suárez de Puga

Pedro Miranda Suárez de Puga

Biografía
Nacemento	século XIX Aragón, España
Morte	11 de novembro de 1928 Baiona, España
Alcalde de Baiona
1926 – 1927 ← Ignacio Cordero Alonso – José Rodríguez de Vicente →
Datos persoais
País de nacionalidade	España
Relixión	católica
Actividade
Ocupación	Militar
Lingua	Lingua castelá
Familia
Fillos	Teresa Miranda Yáñez e Lágrimas Miranda Yáñez

Pedro Miranda Suárez de Puga, nado en Aragón e finado en Baiona o 11 de novembro de 1928, foi un militar e político galego. Foi alcalde de Baiona en 1915 tras o Motín da Fariña, e entre 1926 e 1927.

Traxectoria

Naceu no século XIX en Aragón, onde estaba destinado o seu pai que era un xefe militar. Viviu moitos anos en Madrid, onde fixo carreira militar ata acadar a gradación de Subcabo de distrito de Somatenes Armados da 8ª rexión obtendo un par de condecoracións, mudándose a Baiona en 1913. Un par de anos despois interveu como alcalde no Motín da Fariña. Estaba emparentado coas familias máis adiñeiradas de Baiona, os Quiros, os Salgado ou os Pereira.

Nos seus anos en Baiona, exerceu o cargo de administrador do Hospital Sancti Spiritus, e como concelleiro en distintas ocasións. Accedeu á alcaldía en 1927 trala dimisión de Ignacio Cordero Alonso. Estando no cargo obtivo unha subvención para a compra e instalación dun reloxo na torre do campanario da igrexa parroquial de Santa Cristina da Ramallosa. Dimitiu en xuño de 1927, sendo substituído na alcaldía por José Rodríguez de Vicente.

Entre as súas posesións estaban a actual casa do concello de Baiona que foi adquirida á familia Yáñez Miranda polo alcalde Ricardo Agustí. En 2011 iniciouse o expediente de expropiación da que fora a súa vivenda aos seus descendentes, "a casa de Teresina" contigua a casa do Concello, para localización de oficinas municipais polo goberno de Jesús Vázquez Almuíña.

Foi o pai de Teresa e Lágrimas Miranda Yáñez.

Faleceu repentinamente en Baiona o 11 de novembro de 1928.