Zugspitze

Zugspitze

Tipo	montaña
Localización
División administrativa	Garmisch-Partenkirchen, Alemaña
47°25′16″N 10°59′11″L
Cordilleira	Wetterstein
Características
Altitude	2.962,06 m
Prominencia topográfica	1.746 m
Illamento topográfico	25,8 km
Material usado	rocha sedimentaria
Historia
Cronoloxía
1820	primeira ascensión
Sitio web	zugspitze.de

O Zugspitze é unha montaña situada na cadea dos Alpes, no macizo de Wetterstein, nos Alpes bávaros. É a cima máis elevada da Alemaña, con 2962 metros. O Zugspitze sitúase exactamente sobre a fronteira xermano-austríaca, mais o cume está dentro de Alemaña. Forma parte do distrito de Garmisch-Partenkirchen.

O Zugspitze fica nunha rexión de deportes invernais, dispondo dun pequeno glaciar, o Schneeferner, que está en retroceso nos últimos anos. Sitio moi turístico, a cima é doadamente accesíbel por medio do Ferrocarril do Zugspitze e polos teleféricos a disposición, tanto na parte alemá como na parte austríaca. As temperaturas medias do cume atinxen os -11,2 °C en xaneiro e os 2,0 °C no mes de xullo. A capa de neve, como media, alcanza os 385 cm en marzo.

Xeoloxía

Entre o Sonnenspitze, o Wetterstein (onde se levanta o Zugspitze) e o Daniel, coexisten tres tipos de rochas encamadas unhas sobre as outras até o erguemento do macizo. Estas montañas preséntanse agora como unha balconada sobre o val do río Inn. Case todos estes tipos de rochas se formaron no remoto pasado no fondo do mar e están compostas de material calcario e dun seu derivado, a dolomita. Xunto con estas rochas áchase tamés gres, silicatos e toba volcánica.

En comparación coa idade da Terra (4.500 millóns de anos), as rochas presentes aquí son relativemente novas. Un primeiro grupo data de 250 a 130 millóns de anos de antigüidade (Triásico e Xurásico), mentres que un segundo grupo data de arredor de "tan só" 10.000 anos (glaciación de Würm).