Zacharias Kunuk
 (2025)  | |
| Biografía | |
|---|---|
| Nacemento | 27 de novembro de 1957 (68 anos) Kapuiviit |
| Residencia | Igloolik |
| Grupo étnico | Inuit |
| Actividade | |
| Lugar de traballo | Canadá |
| Ocupación | director de cinema, cineasta, artista, cazador, videoartista, fotógrafo, escultor, montador, deseñador de produción, guionista, produtor de cinema, realizador |
| Período de actividade | 1999 - |
| Empregador | Isuma |
| Obra | |
Obras destacables
| |
| Premios | |
| |
| Descrito pola fonte | V2 archive Vtape Video Catalogue |
| Sitio web | isuma.tv… |
    | |
Zacharias Kunuk (en inuktitut: ᓴᖅᑲᓕᐊᓯ ᑯᓄᒃ) é un director de cinema e produtor inuk, coñecido polo seu filme Atanarjuat, a primeira longametraxe dramática canadense producida integramente en lingua inuktitut e cun elenco totalmente indíxena.[1]
É o presidente e cofundador de Igloolik Isuma Productions, a primeira produtora inuit independente do Canadá.[2] Os seus cofundadores son Paul Qulitalik, Paul Apak Angilirq e Norman Cohn (o único membro do equipo que non é inuk). Atanarjuat (2001) foi nomeada como o mellor filme canadense de todos os tempos pola enquisa do Festival Internacional de Cinema de Toronto de 2015.
Traxectoria
[editar | editar a fonte]Zacharias Kunuk naceu en Kapuiviit (Illa Jens Munk) na Illa de Baffin, Nunavut (daquela parte dos Territorios do Noroeste), no Canadá. En 1966, asistiu á escola de Igloolik. Alí esculpiu e vendeu esculturas de xabón para poder pagar entradas para o cinema. A medida que a súa habilidade melloraba, puido mercar cámaras e fotografar escenas de caza inuit. Cando ouviu falar das cámaras de vídeo en 1981, mercou o equipo básico para aprender por si mesmo a crear os seus propios filmes.[3]
En 2002, Kunuk foi nomeado oficial da Orde do Canadá.[4]
O seu segundo filme, The Journals of Knud Rasmussen, no cal é coguionista e codirector xunto con Norman Cohn, é unha coprodución con Dinamarca. Estreouse o 7 de setembro de 2006 como filme de apertura do Festival Internacional de Cinema de Toronto.
En xuño de 2007, Zacharias Kunuk filmou o rescate e regreso do seu pai, Enoki Kunuk, que estivera perdido durante 27 días na tundra ártica.[5]
Kunuk é o cofundador de Inuit Qaujimajatuqangit, xunto con Ian Mauro da Escola de Estudos Ambientais da Universidade de Victoria. O obxectivo do proxecto é recompilar información dos anciáns inuit para un filme sobre a perspectiva inuit sobre o impacto do cambio climático na cultura inuit e no medio ambiente. O proxecto presentou un vídeo ás Nacións Unidas para a Conferencia de Copenhague sobre o Cambio Climático COP15 de 2009 que se presentou na Galería Nacional de Dinamarca.[6]
Desde abril de 2011, Kunuk desenvolveu un proxecto co cineasta cree Neil Diamond sobre o conflito do século XVIII entre cree e inuit, que durou case un século.[7]
En xullo de 2017, Kunuk uniuse á Academia das Artes e as Ciencias Cinematográficas, como parte dos 774 novos membros convidados ese ano.[8]
En marzo de 2019, Kunuk foi nomeado membro da Orde de Nunavut, o único membro da clase de 2018 da Orde.[9]
Filmografía
[editar | editar a fonte]- Nunavut: Our Land - 1995, director e guionista da serie de televisión.
- Atanarjuat - 2001, director, produtor, guionista e editor.
- Kunuk Family Reunion - 2004, director e produtor do documental de televisión
- Weird Sex and Snowshoes: A Trek Through Canadian Cinematic Psyche - 2004, apareceu nun documental de televisión
- The Journals of Knud Rasmussen - 2006, director, produtor e director artístico
- Before Tomorrow - 2008, produtor executivo
- Tungijuq - 2009, produtor executivo da curtametraxe
- Home - 2011, director e guionista da curtametraxe
- Sirmilik - 2011, director do documental
- Maliglutit - 2016
- SG̲aawaay Ḵ'uuna - 2018, produtor executivo[10]
- Kivitoo: What They Thought of Us - 2018
- One Day in the Life of Noah Piugattuk - 2019
- Angakusajaujuq: The Shaman's Apprentice - 2021
- Uiksaringitara - 2025[11]
Libros
[editar | editar a fonte]- Angakusajaujuq: The Shaman's Apprentice (2021)[12]
Notas
[editar | editar a fonte]- ↑ Svenson, Michelle (1 de abril de 2002). "Zacharias Kunuk Interview – Native Networks". Smithsonian Institution. Arquivado dende o orixinal o 11 de setembro de 2013. Consultado o 3 de outubro de 2009.
- ↑ Angilirq, Paul Apak (2002). Atanarjuat the fast runner. Toronto: Coach House Books and Isuma Publishing. pp. 13–15,197–227. ISBN 1-55245-113-5.
- ↑ "Zacharias Kunuk." Famous, Should Be Famous, and Infamous Canadians. (consultado o 29 de xaneiro de 2011)
- ↑ "Carleton Stories" Arquivado 07 de marzo de 2017 en Wayback Machine. Zacharias Kunuk Shares Intimate Picture of the North. (consultado o 27 de febreiro de 2017)
- ↑ Weber, Bob (29 de xuño de 2007). "Inuit elder found safe after month on tundra". The Globe and Mail (en inglés). Consultado o 1 de novembro de 2023.
- ↑ "I've gone from the stone age to the digital age.". Pulitzer Center on Crisis Reporting. 11 de novembro de 2002. Arquivado dende o orixinal o 14 de novembro de 2009. Consultado o 9 de febreiro de 2016.
- ↑ Dunlevy, T'Cha (9 de abril de 2011). "Reel Injun continues making waves". Montreal Gazette. Consultado o 15 de abril de 2011.[Ligazón morta]
- ↑ "Zacharias Kunuk, celebrated Nunavut filmmaker, joins Oscars academy: 'I thought it was a spam email… but then it came up again and I checked it'". CBC News. 7 de xullo de 2017. Consultado o 8 de xullo de 2017.
- ↑ "Advisory Council Announces Appointment to the Order of Nunavut | Nunavut Legislative Assembly". Arquivado dende o orixinal o 27 de maio de 2022. Consultado o 06 de xullo de 2025.
- ↑ Catherine Porter, "Reviving a Lost Language of Canada Through Film". The New York Times, 11 de xuño de 2017.
- ↑ Jamie Casemore, "Zacharias Kunuk’s Uiksaringitara to have world premiere in Berlin". Playback, 16 de xaneiro de 2025.
- ↑ "The Shaman's Apprentice". Inhabit Media (en inglés). Consultado o 3 de xuño de 2022.
