Yoel Lago

Yoel Lago Amil

Biografía
Nacemento	25 de marzo de 2004 Mondariz
Altura	185 cm
Actividade
Ocupación	futbolista
Nacionalidade deportiva	España
Deporte	fútbol
Posición de xogo	Defensa
Membro do equipo deportivo	Celta Fortuna

Yoel Lago Amil, nado en Mondariz o 25 de marzo de 2004, é un futbolista galego que xoga como defensa central ou centrocampista no Real Club Celta de Vigo "B" da Primeira Federación.

Traxectoria

Nado no lugar de Quintáns, en Mondariz, uniuse ao fútbol base do RC Celta de Vigo en 2016 tras xogar no Porriño Industrial FC e no Mondariz FC. Debutou co filial o 25 de setembro de 2021 ao entrar como suplente nos minutos finais dunha derrota por 1-0 fronte ao CD Calahorra na Primeira División RFEF.

En 2023, tras finalizar a súa etapa formativa, é inscrito no Gran Peña, que por aquel entón funcionaba como equipo C do club, baixo a denominación de Celta C-Gran Peña, na Terceira Federación, aínda que nunca chegou a disputar ningún partido, ao consolidarse como un xogador habitual do filial. Logrou debutar co primeiro equipo o 26 de maio de 2024 ao partir como titular nun empate por 2-2 fronte ao Valencia CF na Primeira División.

Clubs

Actualizado co último partido disputado o 19 de xaneiro de 2025 .

Club	País	Ano	Partidos	Goles
RC Celta Fortuna	Galicia	2021-act.	52	0
RC Celta de Vigo	Galicia	2024-act.	3	0

Ligazóns externas

• Entrevista a Yoel Lago en Youtube.