Yayo Herrero
 | |
| Biografía | |
|---|---|
| Nacemento | (es) Yayo Herrero López  1965 Madrid |
| Datos persoais | |
| País de nacionalidade | Española |
| Educación | Universidade Politécnica de Madrid |
| Actividade | |
| Ocupación | Profesora e investigadora |
| Lingua | Lingua castelá |
| Participou en | |
| marzo de 2019 | Manifesto por un novo internacionalismo dos pobos en Europa |
| 18 de decembro de 2014 | Merecemos otro Madrid... ¡Y vamos a conseguirlo! (en)  |
     | |
Yayo Herrero López, nada en Madrid en 1965, é unha antropóloga, enxeñeira, profesora e activista ecofeminista española. É unha das investigadoras máis influentes no ámbito ecofeminista e ecosocialista a nivel europeo.[1]
Traxectoria[editar | editar a fonte]
Yayo Herrero é Licenciada en Antropoloxía Social e Cultural, Enxeñeira Técnica Agrícola, Diplomada en Educación social e DEA en Ciencias da Educación.
Foi coordinadora estatal de Ecoloxistas en Acción e participou en numerosas iniciativas sociais sobre promoción dos Dereitos Humanos e ecoloxía social. Actualmente é profesora da Universidade Nacional de Educación a Distancia e directora xeral da FUHEM.[2] Colabora habitualmente con diversos medios de comunicación como eldiario.es.[3]
Obra[editar | editar a fonte]
A investigación de Yayo Herrero céntrase na crise ecolóxica actual derivada do modelo de desenvolvemento e produción capitalista. Neste sentido, sostén que o propio capitalismo non pode existir sen que exista crecemento económico, pero que nun mundo físico que ten límites, un crecemento indefinido é imposible.[4] Ademais, sostén que neste modelo económico prímanse traballos superfluos, mentres que os traballos que fan posible o mantemento da vida humana, como a produción agrícola ou o traballo reprodutivo, están completamente precarizados ou directamente excluídos de toda remuneración.[5]
Desta maneira, propón unha transición cara a un modelo económico diferente, que teña en conta a inclusión social de todas as persoas e sexa compatible coa capacidade de rexeneración da natureza.[6]
Notas[editar | editar a fonte]
- ↑ Las ocho mujeres más influyentes en la protección del medio ambiente en España. La Vanguardia. 25 de maio de 2016.
- ↑ Cambio en la Dirección General de FUHEM. Arquivado 20 de decembro de 2016 en Wayback Machine. 2012.
- ↑ Eldiario.es. Autores – Yayo Herrero.
- ↑ Herrero, Yayo (2016). Ecologismo: una cuestión de límites. Arquivado 25 de agosto de 2017 en Wayback Machine. Encrucijadas. Revista crítica de Ciencias Sociales.
- ↑ Herrero, Yayo (2014). Producir y trabajar para mantener la vida humana. Viento Sur.
- ↑ Herrero, Yayo. (2013): "Propuestas ecofeministas para transitar a un mundo justo y sostenible" Curso de Verano - Transiciones a la sustentabilidad: alternativas socioecológicas.
