Xusif Tubxi
جوزيف طوبجي (Xusif Tubxi) | |
---|---|
Arcebispo da Igrexa católica maronita (Igrexa católica) | |
Biografía | |
Nacemento | 28 de marzo de 1971 en Alepo, Siria |
Ordes | |
Ordenación sacerdotal | 16 de marzo de 1996 |
Consagración episcopal | 7 de decembro de 2015, por Bixara Pedro al-Rai |
Arcebispo de Alepo | |
2015 - actualidade | |
Predecesor | Yusuf-Anis Abi Ad |
Outros | |
Ficha en catholic-hierarchy.org |
Xusif Tubxi (en árabe: جوزيف طوبجي, tr. "Xuwsyf Tuwbxy"), nado en Alepo o 28 de marzo de 1971, é un eclesiástico católico maronita, arcebispo de Alepo dende 2015.
Traxectoria[editar | editar a fonte]
Naceu o 28 de marzo de 1971 en Alepo (Siria), onde cursou a súa eduación primaria e secundaria. Entre 1990 e 1995 estudou Filosofía e Teoloxía na Pontificia Universidade Urbaniana, e posteriormente licenciouse en Dereito canónico en 1998 polo Pontificio Instituto Oriental.
Foi ordenado sacerdote da arquieparquía de Alepo o 16 de marzo de 1996, e posteriormente foi capelán de varios movementos, párroco da catedral de Santo Elías de Alepo, e párroco da igrexa de Nosa Señora de Kafrun. Ao mesmo tempo exerceu diversos encargos nos tribunais eclesiásticos: foi Promotor de Xustiza e Defensor do Vínculo no tribunal de primeira instancia entre 2002 e 2014, e xuíz e Promotor de Xustiza e Defensor do Vínculo do tribunal de apelacións das igrexas melquita, siríaca e armenia.
O 14 de marzo de 2015 foi elixido arcebispo de Alepo polo Sínodo da Igrexa maronita, e o papa Francisco aprobou a súa elección o 31 de outubro. Recibiu a consagración episcopal de mans do patriarca de Antioquía e todo o Levante Bixara Pedro o 7 de decembro do mesmo ano.