Xosé Manuel Cid

Na Galipedia, a Wikipedia en galego.
Xosé Manuel Cid
Nacemento14 de maio de 1957
Lugar de nacementoMorgade
NacionalidadeEspaña
Ocupaciónpedagogo e escritor
Na rede
Dialnet: 85186
editar datos en Wikidata ]

Xosé Manuel Cid Fernández, nado en Morgade (Xinzo de Limia) o 14 de maio de 1957, é un pedagogo galego.

Traxectoria[editar | editar a fonte]

Licenciouse en 1979 en Filosofía e Ciencias da Educación, doutorándose en Pedagoxía en 1987 coa tese Educación e Sociedade en Ourense durante a IIª República. Entre 1979 e 1990 deu clase de teoría a Historia da Educación no Colexio Universitario de Ourense (daquela dependente da USC), e desde ese ano dá aulas na Facultade de Humanidades de Ourense, dependente da Universidade de Vigo. A súa especialidade é a Pedagoxía Social, dentro da titulación de Educación Social.

Foi vicedecano de Humanidades entre 1990 e 1994, e decano entre 1994 e 1998. Entre 1998 e 2000 foi vicerreitor de Extensión Universitaria.

É colaborador do proxecto de renovación pedagóxica Nova Escola Galega, do que foi presidente. Tamén é membro da fundación Vicente Risco.

O 2 de xullo do 2022 é escollido como o primeiro presidente da Academia das Ciencias Sociais do Couto Mixto[1].

Obra[editar | editar a fonte]

  • Educación e ideoloxía en Ourense na IIª República (1989, Universidade de Santiago).
  • Teorías e institucións educativas en Ourense durante a IIª República (1994, Universidade de Vigo).
  • Por unha escola do pobo. No Centenario de Freinet (1998, Coord. Universidade de Vigo).
  • Actores sociais e factores de cambio no medio rural (1999, Coord. Universidade de Vigo).
  • Vintecinco anos de Freinet en Galicia, (2000, Coord.).
 Nos premios Lois Peña Novo 2016 no castelo de Soutomaior
Nos premios Lois Peña Novo 2016 no castelo de Soutomaior

Colaborou en diversos libros colectivos, e revistas científicas como Historia de la Educación, Pedagoxía Social ou Temps d'educació.

Galardóns[editar | editar a fonte]

Notas[editar | editar a fonte]

  1. "Unha academia avivará o estudo do Couto Mixto". 28/06/2022. Consultado o 01/07/2022.