Xosé Lois Parente

Na Galipedia, a Wikipedia en galego.
Saltar ata a navegación Saltar á procura
Xosé Lois Parente
Nacemento17 de febreiro de 1903
 Maceda
Falecemento1948
NacionalidadeEspaña
Ocupaciónfarmacéutico, avogado e escritor
editar datos en Wikidata ]

Xosé Lois Parente, nado en Maceda o 17 de febreiro de 1903 e falecido en 1948, foi un poeta galego que Ricardo Carballo Calero encadra nos Tempos do Seminario de Estudos Galegos [1].

Traxectoria[editar | editar a fonte]

Escritor, funcionario, avogado e farmacéutico en Maceda[2], Xosé Lois Parente relacionouse cos galeguistas da primeira parte do século XX e participou en numerosas xuntanzas e mitins.

Autor cunha carreira truncada nos seus comezos, segundo Carballo Calero, escribiu o libro de poemas bilingüe Con prisma azul[3], con prólogo de Ramón Otero Pedrayo quen distingue entre os poemas casteláns (do momento superficial) dos galegos (do tempo interior). Neste libro hai bastantes composicións en galego: de exaltación patriótica, de lirismo amoroso ou fantástico e ata unha lenda ao vello estilo.

Xosé Lois Parente foi encadrado no seu momento na escola vangardista[4], sobre todo coa estética ultraísta de Luís Amado Carballo [5]. Porén, tal encadramento resulta hoxe bastante temerario nuns textos con limitados trazos animistas e impresionistas e mesmo algunha peza decimonónica, coma a "lenda inxenua" titulada "O paxariño loiro" ou a patriótica "Alexandro Bóveda".[6]

Obra[editar | editar a fonte]

Con prisma azul, 1933

Notas[editar | editar a fonte]

  1. Carballo Calero, Ricardo (1975). Historia da literatura galega contemporánea. Editorial Galaxia. ISBN 84-7154-227-7. 
  2. "Maceda recupera la figura del poeta Xosé Lois Parente". La Voz de Galicia. Consultado o 02/04/2018. 
  3. Parente, Xosé Lois (1933). Con prisma azul. La Región. 
  4. Otero Pedrayo, Ramón (Director) (1974). Gran Enciclopedia Gallega 24. Silverio Cañada. 
  5. Ledo Cabido, Bieito (editor) (2002). Enciclopedia Galega Universal, 13. Editorial Ir Indo. ISBN 84-7680-301-X. 
  6. Vilavedra, Dolores (Coord.) (1995). Diccionario da literatura galega I. Galaxia. p. 432. ISBN 84-8288-019-5. 

Véxase tamén[editar | editar a fonte]

Bibliografía[editar | editar a fonte]

  • Prol, Santiago (2006): Xosé Lois Parente, poeta e galeguista na II República. Grupo Academia Postal, ISBN 978-84-96220-54-0