José Ángel Antelo
| |
| Ala-pivote | |
| Información persoal | |
|---|---|
| Nacemento | 7 de maio de 1987 (34 anos) Noia, Galicia
|
| Altura | 2,03 m (6 ft 8 in) |
| Peso oficial | 100 kg (220 lb) |
| Información da carreira | |
| Carreira | dende 2004 |
| Historial de equipos | |
| Cáceres CB (2004–2005) CAI Zaragoza (2005–2006) Bilbao Basket (2006–2007) CB L'Hospitalet (2007–2008) Tenerife CB (2008–2009) Baloncesto Fuenlabrada (2009–2010) Cáceres Ciudad del Baloncesto (2010) CB Murcia (2012−2019) | |
José Ángel Antelo Paredes, nado en Noia o 7 de maio de 1987, é un ex-xogador galego de baloncesto profesional e político. Xogaba de ala-pivote e mide 203 centímetros.
Traxectoria[editar | editar a fonte]
Formado na canteira do C.B. Noia, aos dez anos marchou para as categorías inferiores do Real Madrid, que era o club propietario do seu contrato. Na campaña 2004-05 xogou cedido no Cáceres CB e na 2005-06 no CAI Zaragoza, xogou posteriormente co Bilbao Basket (ACB): 2006-2007, Club Bàsquet L'Hospitalet (LEB): 2007-2008, Tenerife Club de Baloncesto (LEB Ouro): 2008-2009, Baloncesto Fuenlabrada (Liga ACB): 2008-2010, Baloncesto León (LEB Ouro): 2010 e Cáceres 2016 Basket (LEB Ouro): 2010-2011.
Antelo Paredes formou parte da primeira selección nacional de baloncesto de Galicia, que debutou fronte ao Xapón, o 28 de xuño de 2006. Tamén integrou a segunda convocatoria desta selección, o 21 de xuño de 2007, contra Cuba.
En 2019 retirouse do baloncesto profesional logo de varias lesións no tendón de aquiles.
Tras a súa retirada, pasou a militar no partido político Vox[1], entrou na corporación municipal de Murcia como concelleiro e preside Vox Murcia dende decembro de 2019[2].
Títulos[editar | editar a fonte]
- Campión de Europa júnior, 2004, coa selección española. Na final, España-Turquía (89-71), Antelo anotou 22 puntos.
- Cuarto no campionato de Europa júnior, 2005, coa selección española.
- Campión de España cadete, 2002 e 2003, co Real Madrid.
Notas[editar | editar a fonte]
- ↑ "VOX confirma el fichaje de José Ángel Antelo tras su retirada". Marca (en castelán). 12 de abril de 2019.
- ↑ "Abascal nombra a José Ángel Antelo presidente de la gestora de Vox en la Región de Murcia". La Opinión de Murcia. 4 de decembro de 2019.
Véxase tamén[editar | editar a fonte]
Ligazóns externas[editar | editar a fonte]
- Nados en Noia
- Nados en 1987
- Ala-pivotes de baloncesto
- Xogadores de baloncesto de Galicia
- Xogadores de baloncesto da ACB
- Xogadores do Basket Zaragoza 2002
- Xogadores do CB Bilbao Berri
- Xogadores do CB L'Hospitalet
- Xogadores do Tenerife CB
- Xogadores do Baloncesto Fuenlabrada
- Xogadores do Cáceres Ciudad del Baloncesto
- Xogadores do CB Murcia
- Concelleiros de España
- Políticos de Vox