O xirín europeo[1] (Serinus serinus), comunmente xirín ou nabiñeiro[2] é unha especie de avepaseriforme da familia dos frinxílidos (Fringillidae), que se distribúe por boa parte de Europa, norte de África e oeste de Asia. Non está ameazada e a súa poboación europea cífrase entre 8,3 e 20 millóns de parellas reprodutoras, o que equivalería a entre 24,9 e 60 millóns de individuos[3].
Foi descrito por Linneo en 1766 baixo o nome de Fringilla serinus.[4] É unha especie monotípica, é dicir, sen subespecies descritas,[5][6] aínda que algunhas fontes mencionan unha subespecie Serinus serinus flaviserinus.[4]
É o máis pequeno dos frinxílidos, mide uns 11–12cm. É un parente próximo ao canario. O manto e a cabeza son de cores apardazadas mentres que o ventre é dunha forte cor amarela, en especial no macho (a especie presenta dimorfismo sexual).[7]
