Ximnasio
| Ximnasio | |
|---|---|
|
Instancia de
| |
|
Subclase de
| |
| Wikidata C:Commons |
Un ximnasio é un local dedicado á realización de exercicio físico ou á práctica de diferentes deportes. A palabra deriva do termo do grego antigo gymnasion.[1] Os ximnasios adoitan contar con equipos e máquinas utilizados para o adestramento e o desenvolvemento físico.
Descrición
[editar | editar a fonte]_Floor_Warm_Up_(5694074973).jpg)
Nos ximnasios, utilízanse aparellos como pesos, halteres, gomas de resistencia, colchóns, táboas de salto, bicicletas estáticas ou cintas de correr. Os ximnasios eran moi populares na Grecia antiga. As súas actividades incluían defensa persoal, ximnasia médica ou fisioterapia para axudar aos enfermos e feridos, así como para o desenvolvemento da aptitude física, e deportes desde boxeo ata baile e saltar á corda.[2]
Os ximnasios gregos, ademais do exercicio físico, tamén contaban con profesores de sabedoría e filosofía. Este último significado de educación intelectual persistiu en grego, alemán e outras linguas para designar un certo tipo de escola que imparte educación secundaria, o ximnasio, mentres que noutros idiomas designa só a parte física.[3]
Na Grecia antiga realizábanse eventos de ximnasia comunitaria como parte das celebracións das festas. Co tempo os atletas olímpicos comezaron a adestrar en edificios deseñados especificamente para eles.[4] Os deportes comunitarios nunca foron tan populares na Roma antiga como o eran na Grecia antiga. Os ximnasios usábanse máis como preparación para o servizo militar ou para deportes con espectadores. Durante a época do Imperio Romano, a arte ximnástica foi case esquecida. Na Idade Media existían torneos de loita con espadas e de cabalaría e despois de que se inventase a pólvora, a loita con espadas comezou a ser substituída polo deporte da esgrima, así como por escolas de loita con dagas, loita libre e boxeo.[5]
No século XVIII, Salzmann, un clérigo alemán, abriu unha zona de adestramentos en Turinxia onde ensinaba exercicios corporais, como correr e nadar. Clias e Volker estableceron ximnasios en Londres e en 1825 o doutor Charles Beck, un inmigrante alemán, estableceu o primeiro ximnasio nos Estados Unidos.[6]
Historia
[editar | editar a fonte]
Os primeiros ximnasios rexistrados remóntanse a hai máis de 3000 anos na antiga Persia, onde eran coñecidos como zurkhaneh, zonas que fomentaban a aptitude física. As termas romanas máis grandes a miúdo tiñan instalacións anexas de exercicio físico, e os propios baños ás veces estaban decorados con mosaicos de campións locais de deportes. Os ximnasios en Alemaña desenvolvéronse a partir do Turnplatz,[7] un espazo ao aire libre para a ximnasia fundado polo educador alemán Friedrich Jahn en 1811 e posteriormente promovido polos Turners, un movemento político e ximnástico do século XIX.[8] O primeiro estadounidense en abrir un ximnasio público nos Estados Unidos usando o modelo de Jahn foi John Neal en Portland en 1827.[9] O primeiro ximnasio cuberto en Alemaña foi probablemente o construído en Hesse en 1852 por Adolph Spiess.[10]
Mediante a colonización mundial, Gran Bretaña estendeu o seu interese nacional polos deportes e os xogos a moitos países. Na década de 1800, engadíronse programas ás escolas e aos currículos universitarios que facían fincapé na saúde, a forza e a medida corporal. Os deportes procedentes das culturas europea e británica prosperaron a medida que os estudantes universitarios e os clubs de clase alta financiaban as competicións. Como resultado, as cidades comezaron a construír parques infantís que fomentaron o interese polos deportes e a actividade física. [11] Ese mesmo século,fundouse o movemento Turner, que continuou a prosperar ata principios do século XX. O primeiro grupo Turner formouse en Londres en 1848. Os turners construíron ximnasios en varias cidades como Cincinnati e St. Louis, que tiñan grandes poboacións xermano-americanas e estes locais eran utilizados por numerosos adultos e mozos.
Notas
[editar | editar a fonte]- ↑ Partridge 1984, p. 517
- ↑ Partington 1838, p. 627
- ↑ "Gymnasium". worldhistory.org (en inglés). Consultado o 21 de setembro de 2025.
- ↑ "Olympic Games". history.com (en inglés). Consultado o 21 de setembro de 2025.
- ↑ Partington 1838, p. 628
- ↑ Partington 1838, p. 629
- ↑ "Turnplatz (open-air gymnasium) in the Hasenheide, 1811". alamy.com (en inglés). Consultado o 21 de setembro de 2025.
- ↑ Goodbody, John (1982). The Illustrated History of Gymnastics (en inglés). Stanley Paul & Co. ISBN 0-09-143350-9. Consultado o registration.
- ↑ Fred Eugene, Leonard (1923). A Guide to the History of Physical Education (en inglés). Lea & Febiger. pp. 227–250.
- ↑ Dalvi, Rajani (2014). INTRODUCTION TO PHYSICAL EDUCATION (en inglés). ISBN 9781312161344.
- ↑ Lumpkin, Angela (2013). Introduction to physical education, exercise science, and sport studies (en inglés) (9 ed.). McGraw-Hill Education. p. 226. ISBN 978-0-07-802266-1.
Véxase tamén
[editar | editar a fonte]Bibliografía
[editar | editar a fonte]- Partridge, Eric (1984). A Dictionary of Slang and Unconventional English (en inglés). Routledge, Taylor & Francis Group. ISBN 0415065682.
