Xesús Golmar

Na Galipedia, a Wikipedia en galego.
Xesús Golmar
Jesús Golmar Rodríguez 1929.jpg
Nacemento11 de setembro de 1908
Lugar de nacementoSantiso
Falecemento20 de xaneiro de 1962
Lugar de falecementoSantiso
NacionalidadeEspaña
Ocupaciónmestre, xornalista e político
editar datos en Wikidata ]

Xesús Golmar Rodríguez, nado en Santiso (Lalín) o 11 de setembro de 1908 e finado na mesma parroquia o 20 de xaneiro de 1962, foi un mestre, xornalista e político lalinense, e o derradeiro alcalde republicano de Lalín.

Traxectoria[editar | editar a fonte]

Fillo de Manuel Golmar Cacheda, estudou o bacharelato en Lugo e fíxose mestre na Escola Normal de Santiago de Compostela animado polo seu parente e mentor Ramón Salgado Toimil. Foi mestre en Silvela (1931-33), Corvelle (1933-34) e Méixome (1934-36).

Colaborou nos periódicos El Ideal Gallego, La Provincia, Eco de Galicia, Heraldo de Galicia, El Pueblo Gallego, Atrás, Vida Escolar, Faro Villalbés, Razón, A Nosa Terra e Escuela Vivida, onde escribiu poemas e artigos pedagóxicos e políticos.

En 1934 ingresou no Partido Galeguista, e converteuse ao ano seguinte en presidente do Grupo Galeguista de Lalín (1935-36). Logo da destitución de Manuel Ferreiro Panadeiro, foi nomeado alcalde de Lalín o 11 de abril de 1936. A raíz do golpe de Estado do 18 de xullo de 1936 foi destituído o 24 de xullo. Detido e xulgado en Pontevedra por auxilio á rebelión o 18 de novembro con José Crespo Torres e Miguel Lamas Iglesias, foi condenado a cadea perpetua.[1] Preso primeiro en San Simón, foi trasladado á Prisión de San Cristóbal (Pamplona) en febreiro de 1937, onde permaneceu ata setembro de 1940. En liberdade provisional, pero inhabilitado para o maxisterio, regresou a Santiso onde casou. Morreu sen ser rehabilitado como mestre.

Recoñecementos[editar | editar a fonte]

Dende 2004 leva o seu nome un centro escolar de Lalín, o CEIP Xesús Golmar.

Notas[editar | editar a fonte]

  1. El Progreso, 19-11-1936, p. 3.

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]

Predecesor:
Manuel Ferreiro Panadeiro
 Escudo de Lalín.svg
Alcalde de Lalín
 
11-4-1936 - 24-7-1936
Sucesor:
Bernardo Madriñán