Won norcoreano

Na Galipedia, a Wikipedia en galego.
Won norcoreano
조선민주주의인민공화국 원 en coreano
Código:KPW
Ámbito: Corea do Norte
Símbolo:
Fracción:100 chon (전)
Moedas:1, 5, 10, 50 chon 1 won
Billetes:5, 10, 50, 100, 200
500, 1000, 2000, 5000 won
Emisor:Banco Central de R.D. de Corea
Taxa de troco:
29-12-2011
1 EUR = 1166,4906 KPW
1 USD = 900 KPW
Troco actual

O won norcoreano (en coreano: 조선민주주의인민공화국 원, Chosŏn Minjujuŭi Inmin Konghwaguk wŏn) ou simplemente won (원) é a moeda oficial de Corea do Norte. Divídese en 100 chon (전). A entidade encargada de emitir o won norcoreano é o Banco central da República Democrática Popular de Corea.

Etimoloxía[editar | editar a fonte]

A palabra "won" é un termo cognado que deriva do iuan chinés e o ien xaponés. Este tres moedas teñen en común o mesmo símbolo chinés: 圓, que denota a propiedade redonda dun obxecto (as moedas). O won divídese en 100 chon ou jeon, que significa "diñeiro", o cal ten o mesmo orixe que en chinés para referirse ao bronce e o cobre, cos que estaban fabricadas as moedas chinesas.

Historia[editar | editar a fonte]

O won converteuse na moeda de Corea do Norte o 6 de decembro de 1947, substituíndo ao ien coreano que era aínda unha moeda en circulación. A taxa de cambio estableceuse en 100 yen por 1 KPW 1959.

O won norcoreano emítese exclusivamente para cidadáns norcoreanos, mentres que o Banco de Comercio (무역은행) emitiu unha moeda diferente para visitantes estranxeiros, como moitos outros estados socialistas fixeron no pasado. Con todo, Corea do Norte fixo dúas variedades de divisas: unha para visitantes de países socialistas que estaban coloreadas en vermello, e outra para visitantes de países capitalistas, que estaban coloreadas en azul e/ou verde. Con todo a práctica actual dos visitantes é pagar directamente con divisas fortes como o euro ou o dólar.

En 2001 o goberno norcoreano aboliu a taxa de cambio de 2,16 won por dólar (que se di que estaba baseada na data de nacemento de Kim Jong-il: o 16 de febreiro)[1], e o tipo de cambio dos bancos norcoreanos achégase máis á tarifa do mercado negro. Unha taxa de cambio máis recente fixouse en 142,45 won = 1 USD. Con todo, a gran inflación que sofre o país ha erosionado o valor do won até o punto que se pensa que o seu valor real é parecido ao do won surcoreano.

Notas[editar | editar a fonte]

  1. Hoare, James; Pares, Susan (2005). North Korea in the 21st century: an interpretive guide (en inglés). Global Oriental. p. 145. ISBN 978-1901903966.