Woggabaliri

Na Galipedia, a Wikipedia en galego.
Saltar ata a navegación Saltar á procura
Escena doméstica aborixe australiana describindo a recreación tradicional, incluíndo un neno que xuta a "pelota", co obxecto de "non deixar que a pelota dea no chan". (William Blandowski Australien en 142 Photographischen Abbildungen, 1857).

Woggabaliri é un xogo cooperativo tradicional dos aborixes australianos, moi semellante a outros xogos como keepie uppie e footbag.

Os aborixes das áreas preto de Nova Gales do Sur xogaban cunha pelota feita de pel de póssum. Xógase en grupos de catro a oito xogadores en círculo. O obxectivo é manter a pelota no ar e evitar que caia ó chan.

Historia[editar | editar a fonte]

Woggabaliri é un xogo non competitivo que se practica cunha bóla feita de Typha domingensis envoltas en pel de póssum onde o obxectivo é evitar que caia ó chan usando diferentes habilidades de traballo en equipo e control do balón. Xogado polos wiradjuri e outros pobos veciños antes da chegada dos europeos,[1][2] Woggabaliri é a palabra dos ngunnawal para "xogar".[3] O autor Ken Edwards sinala que un xogo moi semellante tamén era practicado polos jingili do Territorio do Norte.[2]

Notas[editar | editar a fonte]

  1. Tim Hilferti, The Australian Game The Advertiser Pg 79 24 outubro de 2010
  2. 2,0 2,1 Edwards, Ken (1999). Choopadoo: games from the dreamtime. QUT Publications. ISBN 1-86435-448-8. 
  3. R. H. Mathews (1904). Project Gutenberg, ed. "The Wiradyuri and Other Languages of New South Wales".