William John Swainson

William John Swainson

Biografía
Nacemento	8 de outubro de 1789 Londres
Morte	6 de decembro de 1855 (66 anos) Vale de Hutt (pt)
Lugar de sepultura	St. James Churchyard (en)
Datos persoais
País de nacionalidade	Reino de Gran Bretaña (–1801) Reino Unido de Gran Bretaña e Irlanda
Actividade
Campo de traballo	Ornitoloxía
Ocupación	zoólogo , malacólogo , ilustrador , botánico , entomólogo , ornitólogo , ictiólogo , naturalista
Membro de	Royal Society
Lingua	Lingua inglesa
Obra
Abreviación dun autor en botánica	Swainson
Abreviatura do autor en zooloxía	Swainson
Familia
Cónxuxe	Mary Swainson
Fillos	Mary Frederica Marshall (en) , George Frederick Swainson, Edwin Newcombe Swainson, Edith Halcombe (pt) , Mrs Lucelle Frances Beetham (Swainson, Lucelle Frances), Henry Gabriel Swainson
Irmáns	Charles Litchfield Swainson
Premios  membro da Royal Society

William John Swainson, nado o 8 de outubro de 1789 en Londres, e finado o 6 de decembro de 1855 en Fern Grove, Hutt Valley, Nova Zelandia, foi un naturalista, ornitólogo e artista inglés.

Traxectoria

Primeiros anos

Aos 14 anos comezou a traballar como empregado na alfándega de Liverpool. Descobre o seu interese pola historia natural grazas ao estudo das coleccións de cunchas e de insectos do seu pai, membro da Sociedade Linneana de Londres. Despois incorporouse ao exército e foi enviado a Sicilia e a Malta, pero pronto foi relevado das súas funcióne debido a problemas de saúde.

Entre 1807 e 1815 traballou na administración militar, reunindo unha gran colección zoolóxica. En 1808 publicou, a cargpo do Museo de Liverpool, un manual titulado Instructions for Collecting and Preserving Subjects of Natural History

Viaxes ao Brasil e París

Despois do final das Guerras napoleónicas, retirouse cun parcialmente. Entre 1816 e 1818 viaxou ao Brasil, regresando á Gran Bretaña cunha gran colección de 20 000 insectos, 1 200 plantas, debuxos de 120 especies de peixes e peles de aproximadamente 760 aves. Deu á luz, entre 1834 e 1835, a obra Birds of Brazil.

O seu amigo o zoólogo William Elford Leach (1790-1836) animouno a utilizar a técnica da litografía para o seu libro Zoological Illustrations (1820-1823) en tres volumes (o terceiro dedicado ás cunchas). Cando Leach debe dimitir no British Museum por razóns de saúde, solicitou que Swainson o substituíra, pero finalmente John George Children (1777-1852) foi o elixido.

En 1828 visita o Museo Nacional de Historia Natural de Francia en París, que estaba baixo a dirección de Georges Cuvier (1769-1832) e de Étienne Geoffroy Saint-Hilaire (1772-1844).

Novos traballos na Gran Bretaña

Continuou cos seus traballos e publicou en 1831, Fauna Boreali-Americana, en colaboración con John Richardson (1787-1865). Realizou tamén unha segunda serie de Zoological Illustrations (1832-1833), ilustra tres volumes de Naturalist's Library de William Jardine (1800-1874) e once volumes da Cabinet Cyclopedia de Dionysius Lardner (1793-1859). En 1837, deu á luz a primeira avifaune da África do Oeste: The natural history of the Birds of Western Africa, onde describre 186 especies recolectadas principalmente por George Rendall, subgobernador de Gambia.

En Nova Zelandia

En 1841 emigra a Nova Zelandia onde se fai granxeiro, aínda que a súa emeresa durou pouco, en parte a causa da oposición das poboacións maorís. En 1851 instálase rn Sydney, onde traballa como botánico para o goberno de Victoria. Pero sofre un novo fracaso, quizais debido á súa falta de coñecementos en botánica. Daquela regresou a Nova Zelandia, onde faleceu en decembro de 1855.

Lista parcial de publicacións

• 1834: A preliminary discourse on the study of natural history. The cabinet cyclopaedia: Natural history. Editor Longman, Rees, Orme, Brown, Green & Longman, & J. Taylor, 462 pp.
• 1839: The natural history and classification of fishes, amphibians, and reptiles, or monocardian animals. Londres, dous volumes: i–vi + 1–448.

Honras

William seguiu os pasos do seu pai e converteuse en membro da Sociedade Linneana de Londres, en 1815.

Epónimos

Varios autores honrárono dedicándolle varias especies:

• Ramphastos swainsonii Gould, 1833 - ave piciforme da familia dos ranfástidos (tucanos), das selvas de Honduras e o litoral pacífico de Colombia e Ecuador.
• Limnothlypis swainsonii (Audubon, 1834) – ave paseriforme da familia dos parúlidos, do leste dos Estados Unidos
• Buteo swainsoni Bonaparte, 1838 — un accipítrido americano.
• Pternistis swainsonii (Smith, 1836) - ave galiforme da familia dos fasiánidos, de África.
• Myiarchus swainsoni Cabanis & Heine, 1859 - ave paseriforme da familia dos tiránidos, de Suramérica.

Galería

• 
  Ramphastos swainsonii
• 
  Limnothlypis swainsonii
• 
  Buteo swainsoni
• 
  Pternistis swainsonii
• 
  Myiarchus swainsoni

Abreviaturas

• A abreviatura Swainson emprégase para indicar a William Swainson como autoridade na descrición e taxonomía en zooloxía.
• A abreviatura Swainson emprégase para indicar a William Swainson como autoridade na descrición e clasificación científica dos vexetais.

Véxase tamén

Ligazóns externas

• Biografía en Dictionary of National Biography. Londres: Smith, Elder & Co. 1885–1900.
• Obras de William Swainson no Proxecto Gutenberg.
• Obras de ou sobre William Swainson en Internet Archive.