William Harris Ashmead

William Harris Ashmead
	; William H. Ashmead
Biografía
Nacemento	19 de setembro de 1855; Filadelfia, Pensilvania
Morte	17 de outubro de 1908; Washington D.C.
Datos persoais
País de nacionalidade	estadounidense
Actividade
Ocupación	entomólogo
Lingua	Lingua inglesa
Obra
Abreviatura do autor en zooloxía	Ashmead

William Harris Ashmead, nado o 19 de setembro de 1855 en Filadelfia e finado o 17 de outubro de 1908 en Washington D.C., foi un entomólogo estadounidense.

Traxectoria[editar | editar a fonte]

Despois de reaiza os seus estudos en Filadelfia, Ashmead traballou para a editorial J. B. Lippincott & Co. Máis tarde, estableceuse en Florida onde creou a súa propia editorial dedicada á agricultura. Tamén lanzou o Florida Dispatch, un semanario agrícola que incluía unha sección dirixida a insectos prexudiciais.

En 1879 comezou a escribir artigos para publicacións científicas e, en 1887, foi nomeado entomólogo de campo, traballando no Ministerio de Agricultura de Florida.

O ano seguinte foi entomólogo na estación de investigación agrícola de Lake City, Florida. En 1889 volveu traballar no Ministerio de Agricultura.

Ao ano seguinte, e durante dous anos, viaxou, en particular a Alemaña, para perfeccionar os seus coñecementos entomolóxicos.

En 1895 obtivo o posto de axudante de conservación no Departamento de Entomoloxía do Museo Nacional de Historia Natural dos Estados Unidos, posto que ocupou até a súa morte.

Ashmead foi principalmente un entomólogo sistemático, que traballou en moitos grupos de insectos, sobre todo en himenópteros, e publicou aproximadamente 260 artigos en varias revistas científicas.

Algunhas publicacións[editar | editar a fonte]

Libros:

Monograph of the North American Proctotrypidae. (Bulletin of the US National Museum, nº 45) Washington: US GPO, 1893.[1]
Descriptions of New genera and species of Hymenoptera from the Philippine Islands. (Proceedings of the US National Museum, nº 29) Washington: US GPO, 1904.[2]

Artigos sobre a orde dos himenóperos:

"Studies on the North American Proctotrupidae, with descriptions of new species from Florida." Entomol. Am. 3: 73-76, 97-100, 117-119 (1887).
"Descriptions of some new genera and species of Canadian Proctotrupidae." Can. Entomol. 20: 48-55 (1888).
"Description of a new genus and new species of proctotrypid bred by Mr F.W. Urich from an embiid." J. Trin. Fld. Nat. Club 2: 264-266 (1895).
"The phylogeny of the Hymenoptera". Proc. Ent. soc. Washington, III: 326-336 (1896) .
"Classification of the pointed-tailed wasps, or the superfamily Proctotrypoidea.-III." J. N. Y. Entomol. Soc. 11: 86-99 (1903).
"Descriptions of new Hymenoptera from Japan-1." J. N. Y. Entomol. Soc. 12: 65-84 (1904).
Ashmead, William H. (1905). "A skeleton of a new arrangement of the families, subfamilies, tribes and genera of the ants, or the superfamily Formicoidea" (PDF). The Canadian Entomologist 37 (11): 381–384.