William Gilbert

Na Galipedia, a Wikipedia en galego.
William Gilbert

William Gilbert, nado en Colchester en 1544 e finado en Londres en 1603, foi un físico e médico inglés. Trátase dun dos pioneiros no estudo experimental dos fenómenos magnéticos.

Traxectoria[editar | editar a fonte]

Estudou medicina na Universidade de Cambridge e en 1603 foi nomeado membro do Real Colexio de Médicos. De 1601 a 1603 serviu como médico da raíña Isabel I e do rei Xacobe I. En 1600 publicou "Sobre o imán", "Corpos magnéticos", e "O grande imán da Terra", onde se observan as súas investigacións sobre corpos magnéticos e atraccións eléctricas; nel conclúese que a agulla do compás apunta ó norte-sur e xira cara a abaixo debido a que o planeta Terra actúa como un xigantesco imán. Foi o primeiro en introducir os termos atracción eléctrica, forza eléctrica e polo magnético.