William Beebe

Na Galipedia, a Wikipedia en galego.

Charles William Beebe, nado o 29 de xullo de 1877 e finado o 4 de xuño de 1962, foi un naturalista, explorador e escritor estadounidense.

Traxectoria[editar | editar a fonte]

Naceu en Brooklyn, Nova York, conservador de ornitoloxía da York Zoological Society desde 1899 ata 1952 e director do departamento de Investigación Tropical desde 1919. Escribiu moitos libros sobre as súas expedicións que foron éxitos de venda nos anos vinte e trinta. Escribiu regularmente na National Geographic Magazine. A súa A Monograph of the Pheasants (1918-1922), permanece como unha referencia clásica para o estudo dos faisáns. Encabezou expedicións a Nova Escocia, Güiana, Venezuela, Galápagos, Borneo e outras rexións.

O 22 de setembro de 1927 casou con Helen Elswyth Thane Ricker, autora de novelas románticas co sobrenome de Elswyth Thane.

Beebe (esquerda) e Otis Barton coa batisfera.

O seu interese na exploración das profundidades mariñas levouno a axudar no desenvolvemento da batisfera inventada por Otis Barton.[1][2][3] En 1930 descendeu ós 183 m de profundidade nas proximidades da Illa Nonsuch nas Bermudas, onde en 1934 batiu o récord chegando ós 923 metros.[1] Beebe fixo un total de 35 inmersións no batisferio entre 1930 e 1934.[1]

En 1942 estableceu un centro para o estudo da xungla en Caripito, Venezuela. In 1950 mercou 92 ha de terra no Val de Arima en (Trinidad e Tobago), á que chamou "Simla", converténdose na Estación de Investigación Tropical da New York Zoological Society.

Beebe escribiu a historia da portada da revista dominical do New York World' (1906)

Nos seus últimos anos, Beebe, adoitaba observar durante horas ás aves con binoculares en Simla

Obra[editar | editar a fonte]

  • Two Birds Lovers in Mexico, 1905
  • The Birds: Its Form and Function, 1906
  • Tropical Wild Life, 1917
  • Monograph of the Pheasants, 1918-1922 (4 volumes)
  • Jungle Peace, 1918
  • Galápagos, World's End, 1923
  • Jungle's Days, 1925
  • The Arcturus Adventure: Beneath Tropic Seas, 1928
  • Half Mile Down, 1934
  • Book of Bays, 1942
  • The Book of Naturalists, 1945

Notas[editar | editar a fonte]

  1. 1,0 1,1 1,2 Brand, V (1977). Submersibles - Manned and Unmanned.. 
  2. Beebe, W (1934). Half Mile Down. 
  3. Matsen, B (2005). Descent - The Heroic Discovery of the Abyss. 

Véxase tamén[editar | editar a fonte]

Ligazóns externas[editar | editar a fonte]