We Can Do It!
We Can Do It! (Nós podemos facelo! ou sinxelamente Podemos facelo!) é un cartel estadounidense de propaganda bélica, creado en 1943 por J. Howard Miller para a empresa Westinghouse Electric como unha imaxe inspiradora para erguer a moral dos traballadores durante a segunda guerra mundial. Crese que o autor se inspirou nunha imaxe en branco e negro de Geraldine Hoff, unha traballadora dunha fábrica de Míchigan que aparecera nunha nova de axencias.
O cartel tivo unha repercusión moi limitada durante a segunda guerra mundial pero foi redescuberto durante os anos 80 e amplamente reproducido en gran cantidade de formatos.[1] Dende ese intre chamóuselle «We Can Do It!» ou «Rosie the Riveter», por analoxía con estoutra figura icónica da guerra.[2][3] O cartel empregouse en campañas a prol do feminismo e doutras cuestións políticas durante os anos 80. Tamén apareceu na portada da revista Smithsonian do 1994, nun selo do servizo de Correos dos Estados Unidos en 1999, empregouse como material electoral nos Estados Unidos de América no 2008 e foi redeseñado para celebrar a toma de posesión da primeira muller primeira ministra de Australia. A imaxe é unha das 10 máis solicitadas no Servizo Nacional de Arquivos dos Estados Unidos.[1]
Notas[editar | editar a fonte]
Véxase tamén[editar | editar a fonte]
 |
Wikimedia Commons ten máis contidos multimedia na categoría: We Can Do It!  |
Bibliografía[editar | editar a fonte]
- Kimble, James J.; Olson, Lester C. (inverno 2006). Visual Rhetoric Representing Rosie the Riveter: Myth and Misconception in J. Howard Miller's 'We Can Do It!' Poster (en inglés) 9. Rhetoric & Public Affairs. pp. 533–569. Tamén dispoñible en Highbeam.
- Claridge, Laura (2008). Emily Post: Daughter of the Gilded Age, Mistress of American Manners (en inglés). Random House Publishing Group. ISBN 9781588367556.
- Hackett Fischer, David (2005). Liberty and Freedom: A Visual History of America's Founding Ideas (en anglès). Oxford University Press. ISBN 9780195162530.