Wardenclyffe Tower

Wardenclyffe Tower
	A Torre Wardenclyffe.
Coordenadas	40°56′51″N 72°53′53″O / 40.947583333333, -72.898194444444Coordenadas: 40°56′51″N 72°53′53″O / 40.947583333333, -72.898194444444
	[ editar datos en Wikidata ]

A Torre Wardenclyffe, tamén coñecida como a Torre Tesla, foi unha torre-antena pioneira das telecomunicacións sen arames deseñada para a telefonía comercial transatlántica, retransmisións de radio e para demostrar a transmisión de enerxía sen cables conectores entre os anos 1901 e 1917. Cunha altura de 30 metros.^[1] As instalacións centrais non chegaron a ser completamente operativas e o proxecto non se completou debido a problemas financeiros.

Historia[editar | editar a fonte]

A Torre recibe o seu nome en honor a James S. Warden, un banqueiro e avogado que comprara terreos en Shoreham (Long Island) a unhas 60 millas (96,5 quilómetros) de Manhattan. Aquí levantou unha comunidade coñecida como Wardenclyffe-On-Sound. Warden cría que coa posta en funcionamento do Sistema Mundial de Nikola Tesla, desenvolveríase unha "Cidade da Radio" na zona, e ofreceu a Tesla 200 acres (81 hectáreas) de terreo xunto a unha liña de ferrocarril para que construíse a súa torre de telecomunicacións e laboratorio. Warden planeou construír vivendas para 2000-2500 persoas que traballarían nunha fábrica producindo os dispositivos patentados de Tesla.^[2]

Tesla conseguiu poñela en marcha en varias ocasións cun rotundo éxito^{[Cómpre referencia]}, pero en dúas delas as instalacións pasaron a potencia límite e arderon parcialmente. Durante a primeira guerra mundial foi destruída, xa que molestaba o despregue dos globos cativos, aínda que tamén se argumentou o feito de que podía servir como punto de referencia a submarinos alemáns.