Walije Gondwe
| Biografía | |
|---|---|
| Nacemento | 1936  (87/88 anos)Distrito de Mzimba (Niassalândia) |
| Datos persoais | |
| País de nacionalidade | Malaui |
| Actividade | |
| Ocupación | novelista |
| Período de actividade | década de 1970 - |
| Xénero artístico | Novela |
| Lingua | Lingua inglesa |
Walije Gondwe, nada en Kayiwonanga (distrito de Mzimba) en 1936, é unha escritora de Malaui, a primeira muller do país en publicar unha novela. A maior parte dos seus libros son obras de literatura infantil e xuvenil publicados nas décadas de 1980 e 1990. Dirixe o proxecto educativo Vinjeru.
Traxectoria
[editar | editar a fonte]Naceu nunha familia de devoción cristiá.[1] Varios anos despois de deixar a escola comezou a prepararse como administrativa, e gañou unha bolsa para completar os seus estudos no Reino Unido. A bolsa foi anulada por mor da situación política en Malaui, pero Gondwe permaneceu en Inglaterra.[1]
O seu libro Will the African Flowers Bloom, debido ás dificultades para publicar en Londres na década de 1970, foi abandonado cando un selo de Oxford University Press entrou en crise.[2] En 1985 publicou o seu primeiro libro, Love's Dilemma, editado por Macmillan Publishers na serie Pacesetter Novels. Desde entón foi considerada a primeira muller novelista de Malaui[3] ou "unhas das primeiras mulleres escritoras do país".[1] Se ben outras mulleres seguiron os seus pasos, aínda non hai moitas mulleres escritoras en Malaui. En 2013 o presidente da Unión de Escritores de Malaui dixo que as únicas mulleres escritoras coñecidas do país eran Emily Mkamanga, Walije Gondwe e Janet Karim.[4] En 1994 publicou Double Dating, a súa obra máis vendida.
En 1999, logo de deixar a escrita, fundou o proxecto educativo Vinjeru, que recolle libros e material educativo no Reino Unido para levalo a Malaui, especialmente ás áreas máis remotas do país.[5] Gondwe vive entre o Reino Unido e Malaui.[5] En 2016 recibiu o Lifetime Achiever Award da Malawi High Commission]] en Londres, que premia o traballo das persoas de Malaui na diáspora.[6]
Gondwe ten unha filla e un fillo.[1]
Notas
[editar | editar a fonte]- ↑ 1,0 1,1 1,2 1,3 "Malawi's first female writer, Walije Gondwe!". The Nation. 30 de outubro de 2011. Arquivado dende o orixinal o 26 de setembro de 2018. Consultado o 04 de agosto de 2019.
- ↑ Davis, C. (2013). Creating Postcolonial Literature: African Writers and British Publishers. Palgrave Macmillan.
- ↑ Eckstein, L. (ed.). English Literatures Across the Globe: A Companion. pp. 122–123.
- ↑ "Mawu decries poor women participation". The Nation. 26 de setembro de 2013. Arquivado dende o orixinal o 04 de agosto de 2019. Consultado o 04 de agosto de 2019.
- ↑ 5,0 5,1 "Who we are". Vinjeru Education. Arquivado dende o orixinal o 17 de agosto de 2018. Consultado o 04 de agosto de 2019.
- ↑ "Malawi Awards UK Biggest Event - High Commission". Nyasa Times. 18 de abril de 2016.
