Voo 992 de Dana Air

Na Galipedia, a Wikipedia en galego.
Saltar ata a navegación Saltar á procura
Voo 992 de Dana Air
Dana Air McDonnell Douglas MD-83 (DC-9-83) Iwelumo-2.jpg
O avión do accidente en 2009
Resumo
Data  3 de xuño de 2012
Causa  fallo de motor
Lugar  Lagos, Nixeria
Coordenadas  06°40′19″N 03°18′50″L / 6.67194, -3.31389Coordenadas: 06°40′19″N 03°18′50″L / 6.67194, -3.31389
Orixe  aeroporto Nnamdi Azikiwe
Destino  aeroporto Murtala Muhammed
Finados  163 (10 en terra)
Aeronave
Tipo de aeronave McDonnell Douglas MD-83
Operador  Dana Air
Rexistro  5N-RAM
Pasaxeiros  147
Tripulación  6
Superviventes  0

O voo 992 de Dana Air era un servizo doméstico regular de pasaxeiros entre Abuja e Lagos, en Nixeria. O domingo 3 de xuño de 2012 o McDonnell Douglas MD-83 que operaba a ruta esnafrouse contra unha fábrica de mobles e unha imprenta na veciñanza de Iju-Ishaga de Lagos.[1] O accidente matou os 153 ocupantes do avión e 10 persoas en terra. É o peor accidente de aviación dun McDonnell Douglas MD-83, ademais de ser o segundo con máis vítimas mortais da serie MD-80, tras o voo 1308 de Inex-Adria Aviopromet. Tamén é o segundo peor accidente de avión en Nixeria, despois do desastre aéreo de Kano de 1973.

Avión[editar | editar a fonte]

O aparello era un bimotor McDonnell Douglas MD-83, con rexistro nixeriano 5N-RAM, fabricado en 1990 e usado por Alaska Airlines ata 2007. Foi vendido a outra aeroliña antes de ser mercado por Dana Air en febreiro de 2009.[2][3] O avión acumulara máis de 60 800 horas de voo dende a súa fabricación.[4] Os seus motores tiñan unhas 55 300 e 26 000 horas antes do accidente. O derradeiro mantemento fora realizado o 1 de xuño, dous días antes de esnafrarse.[4]

Notas[editar | editar a fonte]

  1. "Rains Slow Search in Nigeria Plane Crash - TIME". web.archive.org. 2012-06-05. Consultado o 2018-12-20. 
  2. "Nigeria: Tears As Relations Of Crash Victims Storm Airport | General News | Peacefmonline.com". web.archive.org. 2012-06-07. Consultado o 2019-01-16. 
  3. "FAA Registry - N944AS". registry.faa.gov. Consultado o 2019-01-16. 
  4. 4,0 4,1 "Informe actualizado" (PDF). AIB. Consultado o 2019-1-16.