Voo 883 de Aero Caribbean
| Voo 883 de Aero Caribbean | |
|---|---|
 O avión un mes antes do accidente
| |
| Resumo | |
| Data | 4 de novembro de 2010 |
| Causa | formación de xeo |
| Lugar | Guasimal, Sancti Spíritus |
| Coordenadas | Coordenadas: 21°44′39″N 79°28′16″O / 21.744194, -79.470978 |
| Orixe | aeroporto Antonio Maceo |
| Destino | aeroporto José Martí |
| Finados | 68 |
| Aeronave | |
| Tipo de aeronave | ATR 72-212 |
| Operador | Aero Caribbean |
| Rexistro | CU-T1549 |
| Pasaxeiros | 61 |
| Tripulación | 7 |
| Superviventes | 0 |
O voo 883 de Aero Caribbean era un servizo doméstico regular de pasaxeiros dende Santiago de Cuba ata A Habana. O día 4 de novembro de 2010 o ATR 72-212 que operaba a ruta esnafrouse na provincia cubana Sancti Spíritus, matando aos 61 pasaxeiros e 7 tripulantes a bordo.
Avión[editar | editar a fonte]
O aparello implicado no accidente era un ATR 72-212, con rexistro CU-T1549,[1] usado por Aero Caribbean dende outubro de 2006.[2] Foi entregado novo en 1995 ao seu primeiro dono, Simmons Airlines e despois operou con Continental Express. A compañía cubana Aero Caribbean foi o seu terceiro propietario tras mercalo en 2006.[3][3] Segundo o fabricante, o avión acumulara case 25 000 horas de voo en máis de 34 500 ciclos.[2] Aero Caribbean pertence na súa totalidade ao goberno de Cuba.[4]
Accidente[editar | editar a fonte]
O voo orixinouse en Santiago de Cuba.[5] O aparello engalou do aeroporo Santiago Maceo de camiño á Habana ao redor das 16:50 hora local (20:50 UTC). Era a derradeira saída do aeroporto antes de que pechase pola chegada do furacán Tomas.[6] Ás 17:42 o avión esnafrouse preto da cidade de Guasimal, na provincia de Sancti Spíritus, a uns 340 km ao sueste da Habana, despois de realizar unha chamada de emerxencia. Testemuñas dixeron que o avión estaba "voando baixo e parecía inestable... derramando fume e lume", antes de escoitar un estoupido.[2]
As instalacións médicas en Guasimal foron postas en alerta para preparatse para recibir aos pacientes. Porén, na medianoite se lles dixo que se retiraran xa que non se esperaban superviventes.[2]
O accidente é o peor cun ATR 72 implicado, xunto co voo 4184 de American Eagle, os dous con 68 mortos.[1]
Notas[editar | editar a fonte]
- ↑ 1,0 1,1 Ranter, Harro. "ASN Aircraft accident ATR 72-212 CU-T1549 Guasimal, Sancti Spiritus Province". aviation-safety.net. Arquivado dende o orixinal o 08 de novembro de 2010. Consultado o 2018-12-31.
- ↑ 2,0 2,1 2,2 2,3 "Rescuers find black box of crashed Cuban plane". Reuters (en inglés). 2010-11-05. Consultado o 2018-12-31.
- ↑ "Aero Caribbean CU-T1549 (ATR 42/72 - MSN 459) (Ex EC-HBU N12903 ) | Airfleets aviation". www.airfleets.net. Consultado o 2018-12-31.
- ↑ Flight International, 27 de marzo de 2007
- ↑ "No survivors in Cuba plane crash". BBC News (en inglés). 2010-11-05. Consultado o 2018-12-31.
- ↑ "Aerocaribbean AT72 near Guasimal on Nov 4th 2010". The Aviation Herald. Consultado o 2018-12-31.
