Voo 8501 de Indonesia AirAsia

Na Galipedia, a Wikipedia en galego.
Saltar ata a navegación Saltar á procura
Voo 8501 de Indonesia AirAsia
PK-AXC.jpg
O avión do accidente en abril de 2014
Resumo
Data  28 de decembro de 2014
Causa  fallo non crítico mal xestionado
Lugar  mar de Xava
Coordenadas  3°37′23″S 109°42′43″L / -3.623, 109.712 (AirAsia Flight 8501 debris field)Coordenadas: 3°37′23″S 109°42′43″L / -3.623, 109.712 (AirAsia Flight 8501 debris field)
Orixe  Aeroporto Juanda
Destino  aeroporto de Singapur
Finados  162
Aeronave
Tipo de aeronave Airbus A320-216
Operador  Indonesia AirAsia
Rexistro  PK-AXC
Pasaxeiros  155
Tripulación  7
Superviventes  0

O voo 8501 de Indonesia AirAsia era un servizo regular internacional de pasaxeiros operado por Indonesia AirAsia, unha afiliada do grupo AirAsia, dende Surabaya, Indonesia, ata Singapur. O 28 de decembro de 2014 o Airbus A320 que operaba a ruta esnafrouse no mar de Xava, matando aos seus 162 ocupantes.[1][2] Despois de que rematasen as operación de busca no mes de marzo de 2015 só se recuperaran 106 corpos.[3]

En decembro de 2015, o Comité Nacional de Seguridade no Transporte indonesio (KNKT) publicou un informe concluíndo que un fallo non crítico no sistema de control do timón levou ao capitán a realizar un reinicio non stándar dos ordenadores de control de voo. Posteriormente perdeuse o control do aparello, resultando nunha entrada en perda e un descenso incontrolado cara o mar. A falta de comunicación entre os dous pilotos foi citada como un factor que contribuíu ao accidente.[4][5][6]

Avión[editar | editar a fonte]

O aparello era un Airbus A320-216, con número de serie 3648 e rexistro PK-AXC. Voara por vez primeiro o 25 de setembro de 2008, e fora entregado a AirAsia o 15 de outubro dese ano. O avión tiña seis anos e acumulara unhs 23 000 horas de voo nuns 13 600 ciclos. Pasara o seu mantemento máis recente o 16 de novembro de 2014.[7] O avión estaba equipado con dous motores CFM International CFM56-5B6 e estaba configurado para levar 180 pasaxeiros.[8]

Accidente[editar | editar a fonte]

O voo 8501 era un servizo regular dende Surabaya, Xava ata Singapur o domingo 28 de decembro de 2014. O avión agardaba saír do aeroporto de Juanda ás 05:20 WIB (UTC+7) e chegar ao aeroporto de Singapur ás 08:30 SST (UTC+8).[9] O voo 8501 engalou ás 05:35. Indonesia AirAsia non tiña permiso do Ministerio de Transporte de Indonesia para operar a ruta os domingos.[10]

Tras a saída o voo 8501 estaba en contacto co centro de control aéreo da área de Iacarta,[11] que proporciona servizo de control de tráfico aéreo (ATC) no oeste do mar de Xava, e voou pola ruta aérea M635,[11] cando se aproximou a unha liña de tormentas eléctricas na costa suroeste de Borneo.[12] Ás 06:12 o voo 8501 estaba voando a un nivel 320, uns 32 000 pés, cando a tripulación solicitou e recibiu o permiso de desviarse á esquerda do seu curso orixinal para evitar as tormentas.[13] O piloto solicitou entón subir ata o nivel de voo 380,[14] o que foi aprazado polo ATC debido a que había outros avións na zona.[11][15][16][17] AirNav Indonesia, que opera o centro de control da área de Iacarta, informou que o centro autorizou entón ao voo Flight 8501 voar ao nivel 340 ás 06:14, pero non recibiu ningunha resposta; solicitouselles a outros avións na zona que contactasen co voo 8501, pero estes tampouco obtiveron resposta.[11][18]

Entre as 06:17:00 e as 06:17:54, o avión trepou de 32 000 a 37 000 pés (9 800 a 11 300 m),[19] superando unha taxa de subida de 10 000 pés por minuto. O gravador de datos de voo (FDR), amosou o aparello a 35 500 pés (10 800 m), e aínda subindo, a 159 nós (294 km/h), por debaixo da velocidade de perda para o peso do avión a esa altitude. O Ministro de Transporte de Indonesia interpretou o aparente comportamento do avión a súa maior altitude como unha perda aerodinámica, cando comezou a descender ás 06:17:54, caendo 1 000 pés (300 m) en seis segundos e 8 000 pés (2 400 m) en 31 segundos. O avión tamén comezou a virar cara a esquerda, realizando polo menos un xiro completo antes de desaparecer do radar ás 06:18:44.[11][19][20][21][22] A súa derradeira posición rexistrada foi sobre o mar de Xava, no estreito de Karimata entre as illas de Belitung e Kalimantan, zona na que acabou esnafrándose.[11][23] A gravadora de voces da cabina capturou múltiples avisos, incluído un aviso de perda, soando durante os últimos minutos do voo.[24] Non se enviou ningún sinal de socorro dende o avión.[25][26] As operacións de busca e rescate foron activadas pola Axencia Nacional de Busca e Salvamento de Indonesia (Basarnas) dende a súa oficina de Pangkal Pinang.[27][28]

Notas[editar | editar a fonte]

  1. Ranter, Harro. "ASN Aircraft accident Airbus A320-216 PK-AXC Karimata Strait". aviation-safety.net. Consultado o 2018-12-25. 
  2. "More bodies from AirAsia crash found". BBC News (en inglés). 2015-01-01. Consultado o 2018-12-25. 
  3. "AirAsia crash: Search called off". BBC News (en inglés). 2015-03-17. Consultado o 2018-12-25. 
  4. "AirAsia crash caused by faulty rudder system, pilot response, Indonesia says | The Star". thestar.com (en inglés). Consultado o 2018-12-25. 
  5. Sherwell, Philip (2015-12-01). "Pilots responding to malfuctioning plane part caused AirAsia crash which killed 162 passengers off Indonesia" (en inglés). ISSN 0307-1235. Consultado o 2018-12-25. 
  6. Lamb, Kate (2015-12-01). "AirAsia crash: crew lost control of plane after apparent misunderstanding". The Guardian (en inglés). ISSN 0261-3077. Consultado o 2018-12-25. 
  7. News, A. B. C. (2014-12-29). "AirAsia 8501 Missing: Timeline of Events". ABC News (en inglés). Consultado o 2018-12-26. 
  8. "Seat Options - Hot Seats, Standard Seats, Twin Seats | AirAsia". www.airasia.com. Consultado o 2018-12-26. 
  9. "Search for Missing AirAsia Flight 8501 Resumes". Wall Street Journal. Consultado o 2018-12-26. 
  10. "AirAsia sea search finds more bodies". BBC News (en inglés). 2015-01-03. Consultado o 2018-12-26. 
  11. 11,0 11,1 11,2 11,3 11,4 11,5 "Indonesia Asia A320 over Java Sea on Dec 28th 2014". The Aviation Herald. Consultado o 2018-12-26. 
  12. "AirAsia Flight 8501:Preliminary meteorological analysis - Weather Graphics". www.weathergraphics.com. Consultado o 2018-12-26. 
  13. "Missing plane likely at 'the bottom of the sea,' Indonesian rescue official says". CNN. Consultado o 2018-12-26. 
  14. "Missing AirAsia Flight QZ8501: At a glance". CNN. Consultado o 2018-12-26. 
  15. Bengali, Shashank. "AirAsia Flight 8501 probably 'at bottom of sea,' official says". latimes.com. Consultado o 2018-12-26. 
  16. "AirAsia flight to Singapore missing". BBC News (en inglés). 2014-12-28. Consultado o 2018-12-26. 
  17. migration (2014-12-29). "AirAsia flight QZ8501: Was plane flying too slow for its altitude?". The Straits Times (en inglés). Consultado o 2018-12-26. 
  18. "QZ8501 flight path not safe, says aviation expert - The Malaysian Insider". web.archive.org. 2015-01-06. Consultado o 2018-12-26. 
  19. 19,0 19,1 "AirAsia Plane Often Experiences Trouble, Former Pilot Says". Tempo (en inglés). 2015-01-23. Consultado o 2018-12-26. 
  20. News, A. B. C. (2014-12-29). "Searchers 'Suspect' Missing AirAsia Jet Is on Ocean Floor". ABC News (en inglés). Consultado o 2018-12-26. 
  21. "AirAsia Flight 8501 missing from Indonesia to Singapore - CNN.com". web.archive.org. 2014-12-28. Consultado o 2018-12-26. 
  22. "AirAsia plane 'at bottom of sea'". BBC News (en inglés). 2014-12-29. Consultado o 2018-12-26. 
  23. Bachelard, Michael (2014-12-28). "AirAsia flight from Indonesia to Singapore loses contact". The Sydney Morning Herald (en inglés). Consultado o 2018-12-26. 
  24. "AirAsia jet's alarms 'screaming' at crash". The Sydney Morning Herald (en inglés). 2015-01-21. Consultado o 2018-12-26. 
  25. "Indonesia set to resume search for missing AirAsia plane, relatives...". Reuters (en inglés). 2014-12-28. Consultado o 2018-12-26. 
  26. "As it happened: AirAsia flight missing; search halted for day". ABC News (en inglés). 2014-12-28. Consultado o 2018-12-26. 
  27. "AirAsia flight QZ8501 missing over Java Sea". ABC News (en inglés). 2014-12-28. Consultado o 2018-12-26. 
  28. "QZ8501: Singapore activates coordination centre to assist in SAR". www.nst.com.my. Consultado o 2018-12-26.