Voo 587 de American Airlines

Na Galipedia, a Wikipedia en galego.
Saltar ata a navegación Saltar á busca
Voo 587 de American Airlines
Airbus A300B4-605R, American Airlines AN0201220.jpg
O avión do accidente
Resumo
Data  12 de novembro de 2001
Causa  fallo da estrutura da
cola debido a un erro
do piloto
Lugar  Queens, Nova York
Coordenadas  40°34′38″N 73°51′02″O / 40.57722, -73.85056
Finados  265 (os 260 do avión
e 5 en terra)
Feridos  1 (en terra)
Aeronave
Tipo de aeronave Airbus A300-600
Operador  American Airlines
Pasaxeiros  251
Tripulación  9
Superviventes  0

O voo 587 de American Airlines era un voo regular entre o Aeroporto Internacional John F. Kennedy en Nova York e o Aeroporto Internacional Las Américas de Santo Domingo, na República Dominicana. O 12 de novembro de 2001 o Airbus A300-600 que realizaba a ruta esnafrouse na veciñanza de Belle Harbor en Queens, un dos barrios da cidade de Nova York, pouco despois de engalar. Os 260 ocupantes do aparello morreron, xunto con cinco persoas en terra.

A localización do accidente e o feito de que ocorrese dous meses e un día despois dos atentados do 11 de setembro de 2001 no World Trade Center de Manhattan inicialmente xerou temores de que se tratase dun ataque terrorista. O terrorismo foi oficialmente descartado como causa pola Xunta Nacional de Seguridade no Transporte (NTSB), que no seu lugar atribuíu o desastre ao uso escesivo dos controis do timón por parte do primeiro oficial en resposta a unha turbulencia de estela procedente dun Boeing 747-400 de Japan Airlines que engalara minutos antes. Segundo a NTSB, este uso agresivo causou que o estabilizador vertical rompese e se separase do avión. Os dous motores tamén se separarían antes de que o aparello golpease o chan.[1]

Avión e tripulación[editar | editar a fonte]

O avión do accidente era un Airbus A300B4-605R, con rexistro N14053,[2] entregado en 1988. Tiña unha configuración para 267 pasaxeiros (16 en primeira clase e 251 en económica), e estaba equipado con dous motores General Electric CF6-80C2A5.[3] O avión estaba aos mandos do capitán Ed States, de 42 anos, e o primeiro oficial Sten Molin, de 34, que é o que estaba pilotando o aparello. Había ademais sete asistentes de voo na cabina de pasaxeiros.

Notas[editar | editar a fonte]

  1. AIN online (ed.). "NTSB report on AA 587 spreads blame". Consultado o 28 de xaneiro de 2017. 
  2. FAA (ed.). "Rexistro na FAA". Consultado o 30 de xaneiro de 2017. 
  3. Aviation Safety Network (ed.). "Descrición do accidente". Consultado o 30 de xaneiro de 2017.