Voo 541 de Air Philippines
| Voo 541 de Air Philippines | |
|---|---|
.jpg) Boeing 737 semellante ao do accidente.
| |
| Resumo | |
| Data | 19 de abril de 2000 |
| Causa | erro do piloto |
| Lugar | Sámal, Davao do Norte |
| Coordenadas | Coordenadas: 7°09′24″N 125°42′03″L / 7.15666667, 125.70083333 |
| Finados | 131 (todos) |
| Aeronave | |
| Tipo de aeronave | Boeing 737-2H4 |
| Operador | Air Philippines |
| Rexistro | RP-C3010 |
| Pasaxeiros | 124 |
| Tripulación | 7 |
| Superviventes | 0 |
O voo 541 de Air Philippines era un voo regular doméstico operado por Air Philippines dende o Aeroporto Internacional Ninoy Aquino en Manila ata o Aeroporto Internacional Francisco Bangoy en Davao City, Filipinas. O 19 de abril de 2000 o Boeing 737-2H4 que operaba o voo esnafrouse en Sámal, Davao do Norte, mentres se aproximaba ao aeroporto, matando os 124 pasaxeiros e 7 tripulantes a bordo do aparello. É o peor accidente aéreo ocorrido en Filipinas e o segundo peor dun Boeing 737-200, tras o voo 091 de Mandala Airlines que se estrelou cinco anos despois.[1]
Accidente[editar | editar a fonte]
O avión, un Boeing 737-2H4 con rexistro RP-C3010, anteriormente pertenceu a Southwest Airlines e foi entregado en febreiro de 1978. Air Philippines mercouno 20 anos despois.
O 19 de abril de 2000, o voo 541 de Air Philippines, con 131 pasaxeiros e tripulantes, deixou Manila ao redor das 5:30 a.m., voando cara Davao City, no sueste de Mindanao, a unhas 600 millas de Manila.
Durante a súa aproximación ao aeroporto ao redor das 7:00 a.m., un DC-9 de Cebu Pacific estaba na pista preparándose para saír cara Cebú. Pouco despois o voo 541 comezou un circuíto de espera voando a través de nubes baixas, mentres agardaba a que avión na pista engalase. Mentres realizaba o circuíto o aparello golpeou contra un cocoteiro a 500 pés sobre o nivel do mar e esnafrouse a poucas millas ao oeste do aeroporto.[2] O avión incendiouse e desintegrouse sen que houbese superviventes.
Consecuencias[editar | editar a fonte]
Habitantes da illa dixeron que o avión estaba voando a baixa altura e golpeou un cocoteiro, que arrincou parte da súa á. Dixeron que intentou subir cos motores a plena potencia, pero non foi capaz e esnafrouse. O avión desintegrouse e incendiouse cando caeu nun bosque de cocoteiros. Traballadores do aeroporto dixeron que había brétema no momento do accidente.[3]
O aeroporto internacional de Davao non tiña un equipamento completo para aterraxes instrumentais, e as ateraxes visuais suspendéranse temporalmente antes do accidente.
Notas[editar | editar a fonte]
- ↑ CNN (ed.). "Air Philippines crash kills all 131 on board". Archived from the original on 13 de novembro de 2007. Consultado o 17 de xaneiro de 2017.
- ↑ Aviation Safety Network (ed.). "Accident description". Arquivado dende o orixinal o 25 de abril de 2011. Consultado o 19 de maio de 2018.
- ↑ "Flight 541airplane crash aftermath". Consultado o 2019-1-7.
