Voo 4225 de Aeroflot

Na Galipedia, a Wikipedia en galego.
Voo 4225 de Aeroflot
Un Tu-154B-2 semellante ao accidentado
Resumo
Data  8 de xullo de 1980
Causa  cizalladura de vento
Lugar  Almati
Coordenadas  Coordenadas: 43°16′39″N 76°53′45″L / 43.2775, 76.8958
Orixe  aeroporto de Almati
Destino  aeroporto de Simferopol
Finados  166
Aeronave
Tipo de aeronave Tupolev Tu-154B-2
Operador  Aeroflot
Rexistro  CCCP-85355
Pasaxeiros  156
Tripulación  10
Superviventes  0

O voo 4225 de Aeroflot era un servizo regular doméstico operado por un Tupolev Tu-154B-2 entre o aeroporto de Almati e o aeroporto de Simferopol. O día 8 de xullo de 1980 o avión que operaba a ruta chegou a unha altura de non máis de 500 pés cando a velocidade do aire caeu de súpeto debido a correntes termais que atopou mentres subía, causando que o avión entrase en perda antes de percorrer 5 km, esnafrarse e incendiarse, matando aos 156 pasaxeiros e 10 tripulantes a bordo.[1] En xaneiro de 2019 seguía sendo o peor accidente de aviación ocorrido en Casaquistán.[1]

Accidente[editar | editar a fonte]

No momento do accidente Almati estaba experimentando unha vaga de calor. Eran as 00:39 cando o avión engalou do aeroporto de Almati.[1] Un poucos segundos despois da engalaxe o aparello alcanzou os 500 pés. O avión chegou a unha zona de aire quente, a súa velocidade caeu dramaticamente e quedou atrapado nunha corrente de aire descendente. O Tupolev entrou en perda e caeu, co morro cara a abaixo, nunha granxa preto dos suburbios de Almati. O aparello esvarou nun barranco, incendiouse e desintegrouse, matando a todos os seus ocupantes.[2][3]

Investigación[editar | editar a fonte]

A xunta de aviación soviética concluíu que o accidente foi causado por unha cizalladura de vento ocorrida cando o avión estaba preto do seu peso máximo de engalaxe para as condicións locais.[2]

Notas[editar | editar a fonte]

  1. 1,0 1,1 1,2 Ranter, Harro. "ASN Aircraft accident Tupolev Tu-154B-2 CCCP-85355 Alma-Ata Airport (ALA)". aviation-safety.net. Arquivado dende o orixinal o 15 de xaneiro de 2015. Consultado o 2019-01-23. 
  2. 2,0 2,1 "Катастрофа Ту-154Б-2 Алма-Атинского ОАО в районе а/п Алма-Ата". www.airdisaster.ru. Consultado o 2019-01-23. 
  3. "Туполев Ту-154Б-2 Бортовой №: СССР-85355". russianplanes.net. Consultado o 2019-01-23.