Saltar ao contido

Voo 345 de Turkish Airlines

Na Galipedia, a Wikipedia en galego.
Voo 345 de Turkish Airlines
O avión do accidente semanas antes
Resumo
Data  30 de xaneiro de 1975
Causa  caída ao mar durante
un go-around
Lugar  mar de Mármara
Coordenadas  Coordenadas: 40°44′50″N 28°39′58″L / 40.7473, 28.6661
Orixe  Esmirna-Adnan Menderes
Destino  Istambul-Atatürk
Finados  42
Aeronave
Tipo de aeronave Fokker F28 Fellowship
Operador  Turkish Airlines
Rexistro  TC-JAP
Pasaxeiros  38
Tripulación  4
Superviventes  0

O voo 345 de Turkish Airlines era un voo regular doméstico de pasaxeiros operado por un Fokker F28-1000 Fellowship dende o aeroporto de Esmirna-Adnan Menderes ata o aeroporto de Istanbul Yeşilköy que se esnafrou no mar de Mármara o 30 de xaneiro de 1975 durante a aproximación. Foi o segundo peor accidente dun Fokker F28 e o terceiro con máis vítimas en Turquía na época.

Avión[editar | editar a fonte]

O avión que operaba o voo 345 era un Fokker F28-1000 Fellowship con número de serie 11058, que realizara o seu primeiro voo en 1972. Dende entón acumulaba 3 713 horas de voo en 5 062 ciclos. O voo 345 engalou de Esmirna sobre as 18:00 EET (20:00 UTC) para un voo de 40 minutos ao aeroporto de Istanbul Yeşilköy con 38 pasaxeiros e 4 tripulantes a bordo.[1][2]

Accidente[editar | editar a fonte]

Ás 18:39 o avión aterrou na pista do aeroporto de Istanbul Yeşilköy pero un fallo eléctrico no aeroporto nese mesmo momento forzou á tripulación a iniciar o aborto da aproximación. 22 segundos despois de que as luces se apagasen o xerador de emerxencia comezou a funcionar e acendeu as luces da pista. O piloto elixiu seguir regras de voo visual por debaixo dunha altitude de 240 metres. Ás 18:43 a tripulación solicitou permiso para aterrar mentres se posicionaba para outra aproximación. Porén, debido a que outro avión estaba a piques de aterrar, o control de tráfico aéreo ordenou á tripulación do voo 345 continuar no aire. Cando, ás 18:53, o control de tráfico aéreo intentou establecer contacto co aparello non recibiu resposta.[1]

Determinouse que o avión estrellárase no mar de Mármara. Porén, os restos non serían localizados ata varios anos máis tarde.[3]

Notas[editar | editar a fonte]

  1. 1,0 1,1 "Kara kutunun peşinde 36 yıl". Sabah (en turco). Consultado o 2018-12-11. 
  2. Ranter, Harro. "ASN Aircraft accident Fokker F-28 Fellowship 1000 TC-JAP Istanbul-Yesilköy Airport (IST) [Marmara Sea]". aviation-safety.net. Consultado o 2018-12-11. 
  3. "Korkunç iddia! Stuart Kline; Devlet ‘sus payı’ alarak kazanın üzerini örttü! THY derhal yanıtla ve çıkart!". web.archive.org. 2009-06-16. Archived from the original on 16 de xuño de 2009. Consultado o 2018-12-11.