Voo 235 de TransAsia Airways

Voo 235 de TransAsia Airways
O avión un mes antes do accidente
Resumo
Data	4 de febreiro de 2015
Causa	erro do piloto
Lugar	río Keelung, Taipei
Coordenadas
Orixe	aeroporto de Taipei Songshan
Destino	aeroporto de Kinmen
Finados	43
Feridos	17
Aeronave
Tipo de aeronave	ATR 72-600
Operador	TransAsia Airways
Rexistro	B-22816
Pasaxeiros	53
Tripulación	5
Superviventes	15

O voo 235 de TransAsia Airways era un servizo doméstico que se esnafrou no río Keelung o día 4 de febreiro de 2015, pouco despois de engalar do aeroporto de Taipei Songshan, a 5,4 km ao oeste de Songshan, en Taiwán. O voo de TransAsia Airways, realizado por un ATR 72-600 con só tres meses de idade, operaba un servizo entre Taipei e Kinmen con 53 pasaxeiros e 5 tripulates a bordo. Houbo 15 superviventes.

Dous minutos despois da engalaxe os pilotos informaron da parada dun motor. O voo 235 trepou ata unha altura máxima de 460 metros (1 510 pés), e entón descendeu. O outro motor, que aínda traballaba, foi apagado por un erro.[1][2] Xusto antes de esnafrarse contra o río, inclinouse de súpeto cara a esquerda e contou a un taxi que ía polo viaduto de Huandong coa súa á esquerda.

O voo 235 foi o segundo accidente con vítimas mortais dun ATR de TransAsia Airways en sete meses: o voo 222 esnafrouse o 23 de xullo de 2014, matando a 48 dos seus 58 ocupantes.