O voo 2276 de British Airways era un voo regular internacional de pasaxeiros. O 8 de setembro de 2015 o avión que operaba a ruta, un Boeing 777-236ER con rexistro G-VIIO, incendiouse durante a engalaxe no aeroporto de Las Vegas-McCarran, tendo que abortar e realizar a evacuación de todos os seus ocupantes. O aparello, con destino a Londres-Gatwick, tiña 157 pasaxeiros e 13 tripulantes a bordo. O avión sufriu un fallo de motor non contido no motor GE90 esquerdo (#1), que acabou incendiándose. Todas as persoas a bordo sobreviviron, pero 20 resultaron feridas.[1]
As reparacións no avión completáronse en febreiro de 2016 e regresou ao servizo o 24 de marzo.
