O voo 222 de TransAsia Airways era un servizo regular doméstico de pasaxeiros entre Kaohsiung e Magong, en Taiwán. O día 3 de xullo de 2014 o ATR 72-500 que operaba a ruta esnafrouse contra varios edificios durante a aproximación ao aeroporto de Magong con mal tempo. Das 58 persoas a bordo só sobreviviron 10.
Unha investigación do Consello de Seguridade Aeronáutica de Taiwán atopou que os pilotos descenderon intencionadamente por debaixo da altura mínima de descenso e que o capitán tivo un exceso de confianza, resultando nun erro dos pilotos.[1]
O aparello implicado era un ATR 72-500 con rexistro B-22810 e número de serie 642. Estaba impulsado por dous motores Pratt & Whitney Canada PW127F.[2] O avión voara por vez primeira o 14 de xuño do ano 2000 e fora entregado a TransAsia Airways un mes despois.[3]
.jpg?lang=gl)
