Vladimir Smirnov

Na Galipedia, a Wikipedia en galego.
Saltar ata a navegación Saltar á procura
Vladimir Smirnov
Смирнов.jpg
Nacemento20 de maio de 1954
Lugar de nacementoRubizhne
Falecemento28 de xullo de 1982
Lugar de falecementoRoma
SoterradoLukyanivske Military Cemetery
NacionalidadeUnión Soviética
Ocupaciónesgrimista
PremiosMestre Honorário de Desportos da União Soviética e Orde da Amizade dos Pobos
Na rede
Olympic.org: vladimir-smirnov-2 Editar o valor em Wikidata
editar datos en Wikidata ]

Vladimir Viktorovitch Smirnov, nado en Rubizhne (Ucraína) o 20 de maio de 1954 e finado en Roma o 27 de xullo de 1982, foi un tirador de esgrima soviético especialista en florete, gañador de tres medallas olímpicas.

Carreira[editar | editar a fonte]

Practicante de numerosos deportes, axiña os seus mestres decatáronse do potencial de Smirnov para a esgrima[1]. Posto baixo a dirección do mestre de armas Victor Bykov en 1977 logrou o seu primeiro título nacional[1]. Dous anos máis tarde, convértese en campión do mundo por equipos. Nos Xogos Olímpicos de 1980 de Moscova gañou o ouro en florete individual, a prata en florete por equipos e o bronce en espada por equipos[1]. Reforzando o seu dominio obtendo a medalla de ouro no Campionato do Mundo de Esgrima o ano seguinte en florete individual e por equipos.

Morte[editar | editar a fonte]

Smirnov chegaba como o favorito aos Campionatos do Mundo de Esgrima de 1982 en Roma. O 19 de xullo a URSS enfrontábase á RFA en cuartos de final de florete por equipos. Smirnov estaba en combate contra o campión alemán Matthias Behr cando no decurso dun asalto a consecuencia dun contacto a folla do florete de Behr partiu e o anaco desprendido foi dar á máscara de Smirnov, atravesándoa e penetrando no ollo esquerdo e chegando ao cerebro[1]. En coma os equipos de urxencias evacuárono da pista [1]. A competición reanudouse a petición das autoridades deportivas soviéticas que furtan os seus compañeiros de equipo o estado real de Smirnov. O equipo dirixido por Alexandr Romankov proclamouse campión do mundo. Smirnov morreu días despois no Hospital Gemelli de Roma[1].

Como consecuencia do accidente, a FIE desenvolveu normas de seguridade aínda máis severas para a seguridade dos tiradores, como a adopción de novas aliaxes para a confección das follas, o reforzamento das máscaras coa adopción do kevlar como material de base para a confección dos equipamento, así como o recurso ao Control por corrente de Foucault para o control das follas.

Notas[editar | editar a fonte]

  1. 1,0 1,1 1,2 1,3 1,4 1,5 Thierry Terret e Cécile Ottogalli-Mazzacavallo (2011). "L’effet Smirnov en question ? Perception et impact des accidents fatals en escrime". International Review on Sport & Violence (4). ISSN 2105-0953.