Vivienne Westwood

Na Galipedia, a Wikipedia en galego.
Saltar ata a navegación Saltar á procura
Vivienne Westwood
Vivienne Westwood 2014.jpg
Nacemento8 de abril de 1941
 Tintwistle
NacionalidadeReino Unido
Alma máterUniversidade de Westminster e Middlesex University
Ocupacióndeseñadora, catedrática, deseñador de moda e empresaria
CónxuxeAndreas Kronthaler e Malcolm McLaren
FillosJoseph Corré
PremiosBritish Fashion Awards e Dama comendadora da Orde do Imperio británico
editar datos en Wikidata ]

Dame Vivienne Isabel Westwood, de solteira Swire, nada en Tinwistle (entón en Cheshire) o 8 de abril de 1941, é unha deseñadora de moda e empresaria inglesa, considerada como a principal responsable da estética asociada co punk e o New Wave, que levou ao gran público.[1]

Westwood comezou a ser coñecida cando creou deseños para a tenda de Malcolm McLaren en King's Road, que posteriormente se coñeceu como "SEX". Foi a súa habilidade para sintetizar roupa e música o que modelou a escena punk británica dos setenta, dominada polo grupo de McLaren, os Sex Pistols. Foi inspirada pola frase do punk, "ver se alguén podía poñer un raio no sistema".[2]

Westwood abriu outras catro tendas en Londres e finalmente expandiu o negocio por todo o Reino Unido e o resto do mundo, vendendo unha gran variedade de mercadorías, algunhas delas ligadas ás súas numerosas causas políticas, como a campaña polo desarme nuclear, o cambio climático e os grupos polos dereitos civís.

Traxectoria[editar | editar a fonte]

Durante a súa adolescencia, Westwoodk estudou na Harrow School of Art e no Trent Park College e deu clases nunha escola primaria do norte de Londres. Co tempo, casou con Derek Westwood. O matrimonio perdurou ata que Vivienne coñeceu a Malcolm McLaren, futuro representante dos Sex Pistols. A parella inaugurou en 1971 o local de roupa Let It Rock (logo renomeado como SEX) onde a deseñadora comezou a exhibir os seus deseños extravagantes.

A estética punk comezou despois do primeiro recital dos Sex Pistols, en que a banda empresou deseños da parella que incluían, ou ben incluíron máis adiante, elementos fetichistas, alfinetes de gancho tomados da estética de Richard Hell, importante persoeiro na escena punk neoiorquina, cadeas, navallas de afeitar e o característico cabelo en crista. A inclusión de elementos do deseño tradicional británico contribuíu a formar a imaxe chocante, polémica e antisocial do punk.

Vida persoal[editar | editar a fonte]

Westwood está casada cun antigo alumno seu de moda, o austríaco Andreas Kronthaler. Durante trinta anos viviu nun antigo piso do concello en Nightingale Lane, Clapham,[3] ata que en 2000 Kronthaler a convenceu para mudarse nunha casa de estilo Raíña Ana construída en 1703 que pertenceu á nai do capitán Cook.[4] É afeccionada á xardinaría[5] e vexetariana.[6]

Westwood ten dous fillos:

Notas[editar | editar a fonte]

  1. Bell-Price, Shannon. "Vivienne Westwood (born 1941) and the Postmodern Legacy of Punk Style Source: Vivienne Westwood (born 1941) and the Postmodern Legacy of Punk Style". Metmuseum.org. Consultado o 30 de outubro de 2010. 
  2. "All-TIME 100 Fashion Icons: Vivienne Westwood". Time magazine. 9 de novembro de 2016. 
  3. Sharkey, Alix (8 de abril de 2001). "Westwood ho!". The Observer. Consultado o 18 de agosto de 2014. 
  4. Horyn, Cathy (31 de decembro de 2009). "The Queen V". The New York Times. Consultado o 30 de marzo de 2010. 
  5. Beeching, Piers (6 de agosto de 2009). "Me & my garden: Vivienne Westwood". The Daily Telegraph (en inglés) (Londres). Consultado o 30 de marzo de 2010. 
  6. Sowray, Bibby (18 de marzo de 2014). "Vivienne Westwood Takes a Shower To Promote World Water Day". Telegraph.co.uk. Arquivado dende o orixinal o 18 de marzo de 2014. Consultado o 7 de setembro de 2018. 
  7. "Vivienne Westwood's son Ben Breaks into Men's Fashion". zimbio.com. Arquivado dende o orixinal o 22 de xullo de 2009. Consultado o 26 de xullo de 2009. 

Véxase tamén[editar | editar a fonte]

Ligazóns externas[editar | editar a fonte]