Vilatuxe, Lalín

Vilatuxe
	Igrexa de San Lourenzo de Vilatuxe.
Concello	Lalín
Provincia	Pontevedra
Coordenadas	42°36′20″N 8°11′25″O / 42.60549651, -8.19021441
Área	18 km²
Poboación	439 hab. (2023)
Densidade	24,39 hab./km²
Entidades de poboación	17
	[ editar datos en Wikidata ]

Para outras páxinas con títulos homónimos véxase: Vilatuxe.

San Lourenzo de Vilatuxe é unha parroquia que se localiza no concello de Lalín. Segundo o IGE en 2023 tiña 439 habitantes (210 mulleres e 219 homes), distribuídos en 17 entidades de poboación, o que supón unha diminución en relación ao ano 1999 cando tiña 796 habitantes.

Servizos

Na parroquia sitúase o CEIP Vicente Arias de la Maza. Hai tamén un auditorio, onde teñen lugar os ensaios da Banda de música de Vilatuxe.

Historia

Vilatuxe estaba na ruta do camiño dos arrieiros que se dirixían a Santiago procedentes do Ribeiro, por iso a súa economía estaba baseada nos mercados, nas pousadas e na fabricación queixos e manteigas.

Houbo unha importante feira, a feira dos Carballiños, que desapareceu nos anos corenta. En 2010 retomouse esta feira celebrándose anualmente o segundo domingo de maio, recuperáronse antigas tradicións e hai mercado de artesáns e feira ao xeito tradicional.

Patrimonio

O castro de Vilatuxe está conformado por un único recinto de forma ovalada. O seu eixo maior ten unha disposición NL-SO e mide 125 m, no seu perímetro interior e 160 m no exterior. No seu eixo menor mide 100 m no interior e 130 no exterior. O sistema defensivo está conformado por un parapeto duns 3 m ou 4 m de ancho que bordea todo o perímetro e que ten unha caída bastante pronunciada cara ao interior do recinto duns 3 m. O parapeto parece feito de terra; con todo, nalgún punto que puido ser inspeccionado pola ausencia de vexetación, parece presentar pedra tamén, e incluso non se pode descartar a existencia dunha estrutura muraria asociada a el, tendo en conta a disposición dalgunhas desas pedras.^[2]

A igrexa, construída a finais do século XIX, ten unha torre barroca. Na arquitectura local destacan un raro exemplar de hórreo de esquina e as casas grandes de Outeiro e Pita, que conservan elementos do seu pasado fidalgo.

Galería de imaxes

Artigo principal: Galería de imaxes de Vilatuxe, Lalín.

Igrexa.
CEIP Vicente Arias de la Maza.
Auditorio de Vilatuxe.
Vista Igrexa.

Lugares e parroquias

Lugares de Vilatuxe

Lugares da parroquia de Vilatuxe no concello de Lalín (Pontevedra)
Afonsín \| A Balagosa \| Barciela \| Bustelos \| Os Carballiños \| Castro de Arriba \| Gondoriz Grande \| Gondoriz Pequeno \| Lodeirón \| Moa \| O Outeiro \| Piñoi \| A Saborida \| San Lourenzo \| A Torre \| A Varela \| Vilatuxe

Parroquias de Lalín

Galicia | Provincia de Pontevedra | Parroquias de Lalín

Antigas parroquias: Alperiz (San Pedro) | Erbo (San Pedro) | Fontecabalos (San Mamede) | Lalín de Arriba (San Martiño) | Palio (Santa Baia)

Notas

↑ ^1,0 ^1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
↑ Ficha arqueolóxica do castro de Vilatuxe Arquivado 19 de setembro de 2019 en Wayback Machine..

Véxase tamén

Bibliografía

Iturra, Raúl (1988). Antropología económica de la Galicia rural. Santiago de Compostela: Consellería da Presidencia e Administración Pública. ISBN 84-505-7631-8.

Outros artigos

Lugares de Lalín

Ligazóns externas

Vilatuxe na web do concello de Lalín Arquivado 25 de abril de 2016 en Wayback Machine.
Web da Asociación de Veciños de Vilatuxe

[nomenclátor-1] 1,0 ^1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.

[2] Ficha arqueolóxica do castro de Vilatuxe Arquivado 19 de setembro de 2019 en Wayback Machine..

[1]

[2]